ସନ୍ତାନ
ସନ୍ତାନ
ମାଆଟିଏ ସଦା ମଙ୍ଗଳ ମନାସେ
ସନ୍ତାନର ସୁଖ ପାଇଁ
ସବୁ ଓଷା ବ୍ରତ ପାଳନ କରଇ
ସନ୍ତାନର ଆୟୁ ପାଇଁ ।
ମାଆ ପଣତରେ ଢାଙ୍କି ରଖିଥାଏ
ଛତ୍ର ଛାୟା ତଳେ ତାକୁ
ବାପାଙ୍କ ସ୍ନେହଟା ଅଦୃଶ୍ୟ ହେଲେବି
ଜଣା ଅଛି ହେ ସଭିଙ୍କୁ ।
ପ୍ରେମ ମୂଲ୍ୟ ପରା ସନ୍ତାନ ପାଖରେ
ରହିଥାଏ ଟିକେ ବେଶୀ
ସନ୍ତାନ ପାଇଁକି ପିତା ମାତା ଦୁହେଁ
ସବୁ ସହିଯିବେ ହସି ।
ଦୁନିଆଟା ଅନ୍ଧକାର ହୋଇଯିବ
ସନ୍ତାନକୁ କଷ୍ଟ ହେଲେ
ଭାଗ୍ୟର ଆଦେଶେ ମିଳେ ସୁସନ୍ତାନ
କେତେ ପୁଣ୍ୟ ଅବା କଲେ ।