ଆଦର୍ଶ ଜୀବନ
ଆଦର୍ଶ ଜୀବନ
ଛାଟ ଧରି ମାଆ ସଂସ୍କାର ଦେଇଛି
ଯିବି ନାହିଁ କେବେ ଭୁଲି,
ବାପାଙ୍କ ତାଗିଦ୍ ଦିଏ ନୀତିଶିକ୍ଷା
ମଣିଷଟେ ହେବି ବୋଲି ।
ପରିବାର ଠାରୁ ପ୍ରେରଣା ପାଇଛି
ହାରିବି ନାହିଁ ଜୀବନେ,
ତାଙ୍କରି ଆଶିଷେ ଯିବି ବହୁଦୂର
ଜୀବନ ଗଢି ଯତନେ ।
ଗୁରୁଜନ ପ୍ରତି ସମ୍ମାନ ଶିଖିଛି
ସାନକୁ ଦେବି ଆଦର,
ମଣିଷ ପଣିଆ ରଖି ମନ ମଧ୍ୟେ
ଜିଣିବି ଶତ ସାଗର ।
ହାରି ଯିବି ଯଦି ଜୀବନରେ କେବେ
ଜୀବନକୁ ହାରିବିନି,
ଜୀବ ଥିଲେ କେତେ ସଫଳତା ଦେବି
ମାଆ କୁହେ ସବୁଦିନି ।
ଚରଣରେ ଦାସ ହୋଇ ରହିଥିବି
ଆଜନ୍ମେ କୃପା ଲଭି,
ତାଙ୍କ ବିନା ମୋର ଆଦର୍ଶ ଜୀବନ
ହେବ ନାହିଁ କାଯ୍ୟ ସିଦ୍ଧି ।