ସେବାର ଭାବନା ସାଧନାର ଫଳ
ସେବାର ଭାବନା ସାଧନାର ଫଳ
ଖଳ ମଣିଷର ମନ ସର୍ବଦା କିପରି
ଖୋଳିବ ଆନର ଗୋଇ
ତାର ସବୁ ବଳ ଓ କଳ, ମାୟା କୂଟ
ଛଳରେ କଟାଇ ଥାଇ ।୧।
ସ୍ୱାର୍ଥତ୍ୟାଗୀ, ସେବାରେ ସମୟ ସାରି
ହୁଏ ତ ସୁଖ ପ୍ରାପ୍ତ
ଦେଖାଣିଆ ସେବା ନଦେବ କେବେ ଶାନ୍ତି
ଲାଳସା ତ ନିଜ ହିତ l୨l
ଦୁଃଖ ଆସେ, ସେବାର ନାମରେ ଆଜି
ଚାଲେ ଫେସନ ବଜାର
ଭୁଲୁଛି ମଣିଷ ବଂଚିବା ରହିବା ବଢିବା ପାଇଁ
ନିଏ ସାହାଯ୍ୟ ଅନ୍ୟର l୩l
ସେବାର ଭାବନା କେବଳ ସାଧନାରେ
ହୋଇ ଥାଏ
ସେବା ଲାଗି ସଚ୍ଚୋଟତାର ପ୍ରୟୋଜନ
ପଡି ତ ଥାଏ l୪l
ନିଚ୍ଚ ସ୍ୱାର୍ଥ ପାଇଁ ମଣିଷ ଯେବେ ବହୁ
ରୂପ ଧାରଣ କରେ
ସାଧୁତାର ବେଶେ ଶୋଷଣର ଫାଶ
ପକାଏ ସେହି ବିଷରେ ।୫।
ସେହି ଖଳ ମଣିଷର କୁଟିଳ ପ୍ରକୃତି,
ନିଜେତ ଅଳିଆ ଗଦା
ରଖିବନି ଭାବ କେବେ, ତାକୁ ଆବର୍ଜନା
କୁଣ୍ଡେ କରିବ ପଦା l୬l
ସ୍ୱାଭିମାନ ଅଟଇ ମହାନ, ଅଛି ପ୍ରତ୍ୟେକ
ମନୁଷ୍ୟର ଜୀବନରେ,
ମନସ୍ତ କର, ସ୍ୱାଭିମାନେ ଆଘାତ ଲାଗିଲେ
ରହିବନି ସେ ସ୍ଥାନରେ ।୭।
ଧର୍ମ ସଂସ୍କୃତି ଅନେକ, କର୍ମର ମହାନତା କହିଛି
ପ୍ରତ୍ୟେକ ଧରମ ଓ ସଂସ୍କୃତିରେ
ସତ୍ୟ ଅନ୍ୱେଷଣ, ନିଃସ୍ଵାର୍ଥ ସେବା, ପବିତ୍ର ମନଠୁ
ନାହିଁ ଅନ୍ୟ ଧର୍ମ, ମନେ ରଖିବାରେ l୮l