ଏ ନେତ୍ର ଦେଖିଛି ଅପୂର୍ବ ରୂପ

 

ଥିଲା ଟି ବୟସ ଦଶ ବର୍ଷ ମୋର

ଦେଖି ଥିଲି ସେହୁ ରୂପ,

ତପ୍ତ ଲୁହା ପରି ହନୁମାନ ରୂପେ

ଭ୍ରମଣ ଆକାଶେ ରୂପ ।

ଜ୍ୟେଷ୍ଠ ମାସ ପୁଣି ଗରମ ପ୍ରଖର

ଅତି ଭୟଙ୍କର ରାତି,

ବାହାରେ ସମସ୍ତେ ଶୋଇ ଥିଲେ ସବୁ

ପ୍ରଖର ଗରମ ରାତି ।

ନ ଥିଲା ବିଜୁଳି ନ ଥିଲା ଟି ପଂଖା

ଥିଲି ଶୋଇ ମୁଁ ବାହାରେ,

ଖଟିଆ ଉପରେ ଶୋଇ ଥିଲି ମୁହିଁ

ଥେଖୁ ଥିଲି ଆକାଶରେ ।

ତପ୍ତ ଲୁହା ପରି ହନୁମାନ ରୂପେ

ଆକାଶରେ ଟି ଭ୍ରମଣ,

ଦେଖୁ ଥିଲି ମୁହିଁ ଧ୍ୟାନ ଓ ଭକ୍ତିରେ

ନୀଳ ଆକାଶେ ଭ୍ରମଣ ।

ସତ୍ୟ ବଚନଟି ମିଥ୍ୟା ନାହିଁ କିଛି

ଅପୂର୍ବ ରୂପ ଦର୍ଶନ,

କମ୍ପୀ ଯାଏ ଦେହ ମନେ କଲେ ସେହୁ

ହନୁମାନଙ୍କ ଦର୍ଶନ ।

ତାଙ୍କରି ଧ୍ୟାନରେ ଭକ୍ତିପୂର୍ଣ୍ଣ ମନ

ଥିଲା ଟି ଦେବ ଦର୍ଶନ,

ପରମ ଭକ୍ତର ରୂପ ଦେଖି ଥିଲି

ମିଳୁ ସେ ସଦା ଦର୍ଶନ ।

ରାମ ପ୍ରଭୁଙ୍କର ଶ୍ରେଷ୍ଠ ଭକ୍ତ ସେହୁ

ନୟନେ ଦେଖିଛି ରୂପ,

ସେହୁ ରୂପ ଆଜି ଶକ୍ତି ଦେଉ ଅଛି

ସ୍ମରଣେ ପବିତ୍ର ରୂପ ।

ଥିଲା ଟି ବୟସ ଦଶ ବର୍ଷ ମୋର

ଦେଖି ଥିଲି ସେହୁ ରୂପ

ତପ୍ତ ଲୁହା ପରି ହନୁମାନ ରୂପେ

ଭ୍ରମଣ ଆକାଶେ ରୂପ ।