ବିଶ୍ବ ଆଦିବାସୀ ଦିବସ !

ବିଶ୍ବ ଆଦିବାସୀ ଦିବସ ପାଳିତ

ସମ୍ପୂର୍ଣ୍ଣ ବିଶ୍ବରେ ଆଜି

ଦେଶ ଆଦିବାସୀ ସର୍ବୋଚ୍ଚ ପଦରେ

ରାଷ୍ଟ୍ରପତି ରୂପ ସାଜି !

ଦେଶର ସ୍ବପ୍ନ ସାକାର,

ସମଭାବ ନୀତି ଅଙ୍କୁରିତ ରାଷ୍ଟ୍ରେ

ଶାସନେ ଦୃଷ୍ଟିଗୋଚର !!

ହେଉ ରାଷ୍ଟ୍ରପତି କିବା ମୁଖ୍ୟମନ୍ତ୍ରୀ

ହେଉ ଅବା ରାଜ୍ୟପାଳ,

ସୁଶୋଭିତ ପରା ଶାସନ ତନ୍ତ୍ରରେ

କରନ୍ତି ରାଷ୍ଟ୍ର ଉଜ୍ଜ୍ୱଳ !

ଏହୁତ ଅମୃତ କାଳ

ଗୁଞ୍ଜୁ ଅଛି ବିଶ୍ବେ ଗୌରବର ଗାଥା

ଚେଷ୍ଟାରୁ ସିଦ୍ଧି ସକଳ !!

ଜନଜାତି ଆଜି ଉନ୍ନତି ପଥରେ

ଦେଖି ଲାଗେ ଆନନ୍ଦିତ

ନାହିଁରେ ଅଭାବ ଖୁସିର ସଂସାର

ହେଉ ଅଛନ୍ତି ଶିକ୍ଷିତ !

କରନ୍ତି ରାଷ୍ଟ୍ର ଗର୍ବିତ

ଭାଗିଦାରୀ ତାଙ୍କ ରାଷ୍ଟ୍ର ନିର୍ମାଣରେ

କର୍ତ୍ତବ୍ୟ ପଥେ ଜଡ଼ିତ !!

ହାର୍ଦ୍ଦିକ ଶୁଭେଚ୍ଛା ଅଭିନନ୍ଦନ ଟି

ଆଦିବାସୀ ଦିବସର

କରୁଛୁ ଗୁହାରି ଜଗା ଠାକୁରଙ୍କୁ

ଉନ୍ନତି ହେଉ ତାଙ୍କର !

କରୁଣା କର ଈଶ୍ବର

କରୁଛୁ ପ୍ରାର୍ଥନା ବିଚ୍ଛିନ୍ନାଚଳରୁ

ତାଙ୍କ ଇଚ୍ଛା ପୂର୍ଣ୍ଣ କର !!

ସ୍ବତନ୍ତ୍ର ସଂଗ୍ରାମୀ ବୀରସା ମୁଣ୍ଡାଙ୍କ

କଳ୍ପନା ସାକାର ହେଲା

ବୀରତ୍ବରେ ଭରା ତାଙ୍କ ଇତିହାସ 

ଦୁନିଆ ସାରା ଗୁଞ୍ଜିଲା !

ଶାସନ ସ୍ଥାପିତ କଲା

ଜନଜାତିଙ୍କର ଗୌରବ ଦିବସ

ଗୌରବ ଗାଥା ଲେଖିଲା !!

ସମ୍ବିଧାନେ ଥିଲା ଉନ୍ନତିର ମାର୍ଗ

ଥିଲା ତାଙ୍କ ଅଧିକାର

ନୂଆ ଏ ଭାରତ ଦେଲା ହେ ତାହାଙ୍କୁ

ନାହିଁ ଜାତିଭେଦ କାର !

ଏକ ଦେଶ ଏକ ଧ୍ବଜା

ସମସ୍ତେ ଆମ୍ଭେରେ ଈଶ୍ୱର ସନ୍ତାନ

କର୍ମ ବଳେ ହେବା ।