ବର୍ଷା

ଘନଘନ ବର୍ଷା ଧାରା ଶ୍ରାବଣର

ଜୀବଜନ୍ତୁ ହେଲେ ତୃପ୍ତ,

ଶୁଖି ରହି ଥିଲା ଭୂଇଁ ଆଷାଢର

କୃଷକ ଥିଲେ ଚିନ୍ତିତ !

କଦମ୍ବ ଚାରୁ ଶୋଭିତ

ସନ୍ତୁଷ୍ଟ ହୋଇଲେ କିବା ଇନ୍ଦ୍ରଦେବ

ଭେକ ଗାଉ ଅଛି ଗୀତ !

ଚାଷ ଭୂଇଁ ଭରା କୃଷକ ଟ୍ରାକ୍ଟର 

ଦିଶେ ଅନୁପମ ଦୃଶ୍ୟ

ଧାନ ଲଗାଇବା କାର୍ଯ୍ୟ ଚାଲୁଅଛି

କୃଷକ ଅତି ହରଷ !

ଅଦୃଶ୍ୟ ହୁଅନ୍ତି ରବି

ଭିଜା ମାଟି ବାସ୍ନା କରେ ଆନନ୍ଦିତ

ଦିଶୁଛି ଅପୂର୍ବ ଛବି !

ଇନ୍ଦ୍ରଧନୁ ଦିଶେ ଆକାଶ ମଣ୍ଡଳେ

ମନ ନେଉ ଅଛି ଟାଣି

ପକ୍ଷୀଙ୍କର ରାବ ଶୁଭେ ସୁମଧୁର

ଆସିଛି ବରଷା ରାଣୀ

ସୁଶୋଭିତ ପରିବେଶ

ଡେଣାକୁ ମେଲାଇ ନାଚୁଛି ମୟୂର

ଦେଖିଣ ମନ ହରଷ !

କଦମ୍ବ ଫୁଲର କାନ୍ତି ମନ ମୋହେ

ଚହଟଚମ୍ପାର ପରି

ରଚନା କରୁଛୁ ଦେଖି କବିବର

ଅଦ୍ବିତୀୟ ରୂପ ଧାରି !

ଚାରୁ ସୁଗନ୍ଧ ତାହାର

ପାଇ ଅମ୍ଳଜାନ ମନ ପ୍ରାଣ ଧନ୍ୟ

ସ୍ବସ୍ଥ କରୁଛି ଶରୀର !

କାହ୍ନୁ କୃଷ୍ଣ ଲୀଳା କଦମ୍ବ ମୂଳରେ

ଅପୂର୍ବ ମହିମା ତାର

ମୃଦୁ ବାସ୍ନା ଯହୁଁ ପ୍ରୀୟ ରାଧାକୃଷ୍ଣେ

ପବିତ୍ର ପ୍ରେମ ଅଙ୍କୁର !

ପ୍ରେମର ଏହୁ ସଂସାର

ଟାଣି ଆଣୁ ଥିଲା ଗୋପ ନରନାରୀ

ମହତ୍ତ୍ଵ ରହିଛି ଯାର !