ଏ କି ଭଲ ବିଚାର

ମଥାରୁ କଳସୀ ଗଡ଼ିଯିବ କାହ୍ନା

ଅଞ୍ଚଳକୁ ମୋର ଛାଡ଼ ,

ଜାଣିଶୁଣି ଆଉ ଜଞ୍ଜାଳ କରନା

ଅଭାବ ହେଲାଣି ମାଡ଼।

ଟିକେ ଭାଇଠୁ ଶିଖ,

ବଡ଼-ଭଦ୍ର ସେ କହନ୍ତି ଲୋକ

ଟିକେ ଭାଇଠୁ ଶିଖ ।

କେଡ଼େ ଶାନ୍ତଶିଷ୍ଟ ଗୁଣବାନ ସିଏ

ନାହିଁ ଜମା ଟିକେ ଖୁଣ ,

ବାଟରେ ଘାଟରେ ହଇରାଣ କରି

ଦେଖାନ୍ତିନି ମୁହଁ ଟାଣ ।

ସେ ତ ଗୁଣ ସାଗର,

ତୁମେ ଅଟ ନାଟୁଆ ନାଗର

ସେ ତ ଗୁଣ ସାଗର ।

ତୁମ ପ୍ରତି ଟିକେ ଶରଧା କଲାରୁ

ଦେଖାଉଛ ଏତେ ଛଇ ,

ଜାଣି ଜାଣି ନିଜ ମହତ ସାରୁଛ

ରାଜାଘର ପୁଅ ହୋଇ ।

ଏ କି ଭଲ ବିଚାର,

ଥରେ ବିବେକକୁ ତ ପଚାର

ଏ କି ଭଲ ବିଚାର !!