ଏ ଆଖି
ଏ ଆଖି
ଏ ଆଖିରେ ଆଖିଏ ଲୁହ
ଛାତି ଭିତରେ ଅନେକ କୋହ
ଜାଣେନା କେବେ କେମିତି
ଘନୀଭୂତ ଏ ସମସ୍ତ ଏକତ୍ରିତ
ସମସ୍ତେ ନିରବ କିନ୍ତୁ ମର୍ମଦାହି ।
ସ୍ପନ୍ଦନ ହୃଦୟର ଶ୍ରୁତିବିଦ୍ଧ କରେ ।
କୁହୁଳି କୁହୁଳି ଜଳେ ମନ ଅବିରତ
ମାତ୍ର ଅଦୃଶ୍ୟ ଅନଳ ର ଆଘାତ ଅସହ୍ୟ
କୁଣ୍ଡଳୀ କୃତ ଧୂମ୍ର ରାଶି ଆଚ୍ଛାଦିତ
ମାନସ ପଟଳେ, କୋଣେ ଅନୁକୋଣେ ।
ଚିତ୍କାର କରିବାର ଇଚ୍ଛା ଦମନ କରି
ଧିରେ ଧିରେ କୁହୁଳା ଯନ୍ତ୍ରଣା କିଞ୍ଚିତ
ନିର୍ଗତ କରିବାର ପ୍ରଚେଷ୍ଟା ଜୀବିତ ।
ଲୁହ ଝରେନା, କୋହ ମରେନା
କେବଳ ମାରେ ଜାଳେ ସବୁବେଳେ।
ନିଜ ଆଖି ଦୁଇକୁ ଦେଖେ ନିହାରି
ବହୁତ କିଛି ଲୁଚାଉ ଲୁଚାଉ
ସତ କହିଦିଏ ମୋତେ ମୋ ଆଖି ।