ଲାଇବ୍ରେରୀ
ପ୍ରୋଫାଇଲ୍
କଟୁ ବଚନ
କଟୁ ବଚନ
1 min
156
ଯେବେ କ୍ରୋଧ ଆସେ ମଣିଷ କହି ଯାଏ ଅନେକ
ସେହି ସମୟରେ ସେ ହରାଇ ଦିଏ ତାର ବୁଦ୍ଧି ଆଉ ବିବେକ
କ୍ରୋଧରେ ଆସେ କେତେ କଟୁ ବଚନ
କଟୁ ବଚନରେ ଅପ୍ରିୟ ହୋଇ ଥାଆନ୍ତି ସର୍ବ ଜନ
କଟୁ ବଚନ ଶୁଣି ସଭିଏଁ ଘୃଣା କରନ୍ତି
ନିଜ ଲୋକ ବି ସବୁ ସମ୍ପର୍କକୁ ଭୁଲି ଯାଆନ୍ତି
କଟୁ ବଚନ ହୃଦୟକୁ ଭାରି କଷ୍ଟ ଦିଏ
ରୋଗୀ କରିଦିଏ କ୍ରୋଧକୁ ମନେ ଜାଗ୍ରତ କରାଏ
ଖଳ ପ୍ରକୃତିର ମଣିଷ କଟୁ ବଚନ କହି କଷ୍ଟ ଦିଅନ୍ତି
ସରଳ ଲୋକ ଦେଖି ବେଶୀ କଷ୍ଟ କଥା କୁହନ୍ତି
କଟୁ ବଚନ ଶୁଣି କେତେ କଷ୍ଟ ହୁଏ
ଅନୁଭବି ଲୋକ ହିଁ ସେ କଥା ଜାଣି ଥାଏ
କଟୁ ବଚନ କହିଲେ ସବୁ ସମ୍ପର୍କ ତୁଟି ଯିବ
ଦୁନିଆରେ କାହାର ପ୍ରିୟ ହୋଇ ନ ପାରିବ
ଖଳ ବ୍ୟକ୍ତିକୁ କଟୁ ବଚନ କହିବାକୁ ଭଲ ଲାଗେ
ଜାଣେ ନାହିଁ ସେ ଅନ୍ୟ ଲୋକଟି କେତେ ଦୁଃଖ ଭୋଗେ
କଟୁ ବଚନ କେବେ କାହା ଆଖିରୁ ଲୁହ ଝରାଏ
କଟୁ ବଚନ ଯୋଗୁ ଅଶାନ୍ତି ଭାବ ମନେ ରହିଯାଏ
ଈଶ୍ୱର ସଭିଙ୍କ ହୃଦୟରେ ଥାଆନ୍ତି
କଟୁ ବଚନ କହିବା ଲୋକକୁ କେହି ଭଲ ନ ପାଆନ୍ତି
ସଭିଙ୍କୁ ମୋର ଏହି ନିବେଦନ କରୁଛି
କଟୁ ବଚନ କେହି କୁହ ନାହିଁ ଅଳି କରୁଛି।
