ଦୋଛକିରେ ଜୀବନ ବନ୍ଧା

ତୋ' ଦୁନିଆରେ ନିଜକୁ ହଜାଇ

ଜାଣି ପାରୁନି ମୁଁ ରାତି ଦିନ

ସଞ୍ଜ କି ସକାଳ ତୋ'ବିନା ଏଠି

ସବୁ ଲାଗଇ ସମାନ ।

ଆଖିର ପଲକ ଖୋଜେ ଯେବେ ତତେ

ଜୀବନର ଦୋ ଛକିରେ

ସବୁ ଲାଗେ ମୋତେ ଅନ୍ଧାର ଅନ୍ଧାର

କହିବି କିପରି ତୋତେ ।

ଟିକେ ବେଳ ପାଇଁ ଆସି ମୋ ଜୀବନେ

ଦେଇଥିଲୁ ଯେଉଁ ଖୁସି

ସେଇ ଖୁସି ଆଜି ଲୁହ ପାଲଟିଛି

ତୋ' ସ୍ମୃତି ଜଗିଛି ବସି ।

ତୋ'ବିନା ସରୁଛି ଅସରନ୍ତି ରାତି

ଶୂନ୍ୟତାର ହା ହା କାରେ

ଜୀବନ ଟା ମୋର ଦୋଛକି ହୋଇଛି

ଚାରିଆଡେ ଅନ୍ଧକାର ।

ଜୀବନରେ ମୋର ନାହିଁଆଉ ମୋହ

ଆଖିରେ ଆଖିଏ ତୋ' ସ୍ମୃତି ର ଲୁହ

ମରିବା ବଞ୍ଚିବା ମୋପାଇଁ ସମାନ

ହୃଦୟେ ଧରି ସେ କୋହ ।

ଛୋଟିଆ ଆଖିରେ ଦେଲୁ ମୋ ସପନ

ଝୁରି ମୁଁ ହେଉଛି ସେ ନିଆରା ଜୀବନ

ତୋ' ବିନା ଆଜି ମୋ ଘର ଅଗଣା

ସବୁ ଲାଗେ ମୋତେ ଅଜଣା ଅଜଣା ।

ତୋଳିଥିଲି ଦିନେ ସ୍ୱପ୍ନରେ ମୋ ଘର

ଆଜି ଲାଗେ ତାହା ମୋଠାରୁ ବି ଦୂର

ସବୁ ସ୍ୱପ୍ନ ମୋର ରହିଗଲା ଅଧା

ଦୋଛକିରେ ମୋର ଜୀବନ ଟା ବନ୍ଧା ।