ଆସୁ ଥାଅ ସପନରେ

ଆଉ ଥରେ ସାଥି  ଆସନ୍ତ କି ତୁମେ 

  ମନ ଉପବନେ ମୋର 

ଇଚ୍ଛା ହୁଏ ଭାରି  ଦେଖିବାକୁ ତୁମେ 

   ଗଲା ଦିନ ଅତୀତର (1)

ମନ ହୁଏ ମୋର  ନିଦୁଆ ଆଖିରେ 

   ପରୀ ଟିଏ ହୋଇ ଆସ 

କିଛି କହିଦିଅ   ଆସି ଛୁଇଁ ଯାଅ 

   ଅବା ଆସି ପାଖେ ବସ(2)

ବଂଚିବାର ମାନେ  ଖୋଜି ମୁଁ ପାଉନି  

   ସାଥି ଆଜି ତୁମ ବିନା 

ଚାରି ଆଡେ ଆଜି ଖାଲି ଖାଲି ଲାଗେ 

   ସାଥି ଆଜି ତୁମ ବିନା(3)

ତୁମ ପାଇଁ ସିନା ପ୍ରେମ ମାନେ ଖାଲି 

  ଖେଳ ଘର ବାଲି ଘର 

ମୋ ପାଇଁ ପ୍ରେମର  ମାନେ ତୁମ ପ୍ରୀତି 

  ସାଥି ମୋର ଜୀବନର (4)

ସତରେ କେବେବି ଆସ ବା ନ ଆସ 

  ଆସୁ ଥାଅ ସପନରେ 

ଆମରି  ପ୍ରୀତିର ସେ ବାଲି ଘରକୁ 

  ଗଢେ ମୁଁ ତ ସପନରେ (5)