ପାପଦୃଷ୍ଟି
ପାପଦୃଷ୍ଟି
ପାପର ପିଆଲା ଓଠରେ ଲଗାଇ
ପୂଣ୍ୟ ମୁଁ ଖୋଜୁଛି ନିତି
ଅଧାଗଢା ମୋର ସ୍ୱପ୍ନର ମହଲ
ସରି ସରି ଆସେ ରାତି I
ନିର୍ଜନ ନିଶିଥ ଅନ୍ତିମ ପ୍ରହର
ସ୍ୱପ୍ନେ ତିନ୍ତିଯାଏ ଆଖି
ପାହାନ୍ତି ସପନ ସତହୁଏ ବୋଲି
କେମିତି କହିବି ସଖି I
ବାତାୟନ ଖୋଲି ବର୍ଷା ମୁଁ ଦେଖୁଛି
ଖୋଜୁଛି ପ୍ରିୟାର ମୁହଁ
ବରଷା ଡାକୁଛି ପାଖକୁ ତାହାର
ଭିଜାଇବ ମୋର ଦେହ I
ସପନ ରଙ୍କା ମୋ ଆଖିତଳୁ ଏବେ
ଶୁଖି ଆସିଲାଣି ଲୁହ
ଝରକା ସେପାଖେ ଦିଶୁଛି କେବଳ
ବର୍ଷାର ଫୁଙ୍ଗୁଳା ଦେହ I