ଲୁହ
ଲୁହ
ସୁଖରେ ଅବା ଦୁଃଖରେ
ଆଖିରୁ ଝରିପଡୁଥିବା
ଦୁଇ ଟୋପା ଲବଣାକ୍ତ ଉଷ୍ଣତାରେ ପୂର୍ଣ୍ଣ
ସେ କେବଳ କେଇ ବୁନ୍ଦା ପାଣି ନୁହେଁ
ଅନ୍ତଃ ମନକୁ ଦୋହଲାଇ ହୃଦୟର
ଭାଷାକୁ ସ୍ପଷ୍ଟ ରୂପେ ଦର୍ଶେଇ ପାରିବାର
ଅନ୍ୟ ନାମ ଲୁହ
ସମସ୍ତ ଙ୍କ ଦୃଷ୍ଟି ଆଢ଼ୁଆଳରେ ବି ଲୁଚିକରି
ଆଖି ରୁ ବୋହି ଯାଉଥିବା ଦୁଇ ଧାର
ହିଁ ଲୁହ ହୋଇପାରେ
ଅକାଳରେ ଝରିପଡିଥିବା ନିଜ ଶେଷ
ଆଶ୍ରା ଟିକକ ପାଇଁ କିଛି ନ କରି ପାରିବାର
ଅପାରଗତା ରେ ବି ଝରେ ଯିଏ
ସିଏ ହେଉଛି ଲୁହ
ସଦ୍ୟ ନବ ବିବାହିତା ସ୍ତ୍ରୀର ଯୁଦ୍ଧରେ
ସହୀଦ ହୋଇ ଫେରୁଥିବା ସ୍ଵାମୀ
ର ଅଫେରା ବାଟକୁ ଚାହିଁ ରହି
ଅବିରତ ଝରୁଥିବା ଧାରର
ଅନ୍ୟ ନାଆଁ ହିଁ ଲୁହ
ଭୋକିଲା ପିଲା ର ପେଟକୁ ଦାନା
ଗଣ୍ଡାଏ ନ ଦେଇ ପାରିବାର ଆକୁଳତାରେ
ମାଆ ର ଆଖିରୁ ଝରୁଥିବା ପାଣିର
ନାଁ ହେଉଛି ଲୁହ
ଏ ଲୁହ କେବେ ପିଛା ଛାଡେନି
ଠିକ୍ ଯେମିତି ଦୁଃଖ
ଲୁହ ଖୁସିରେ ଆସେ ପୁଣି କେବେ
ଆସେ କେବେ ଦୁଃଖ ସାଥିରେ
ଆଖିରୁ ଲୁହ ଖସେ
କିନ୍ତୁ ବିନା ପ୍ରତିବାଦରେ
ଓଠ ତାକୁ ନିରବ ରେ ପିଇଯାଏ
ସେଥିପାଇଁ ବୋଧେ ସୁଖ ଦୁଃଖ ପରି
ଲୁହ ଆଉ ଓଠର ସଂପର୍କ
ଦୁହେଁ ନିରବ ପୁଣି ଛଳ ଛଳ
କେବେ ଅଥୟ ଅଧିର
ପୁଣି କେବେ ଢଳଢଳ
ଏଇଵୋଧେ ଲୁହର ଜୀବନ ।