ପଚାରନା

ମୋତେ ପଚାରନା

ମୋ ପାଖରେ ପହଞ୍ଚିବାର ଠିକଣା

କାହିଁକି ନା

ଠିକଣା ତା ବାଟ ହୁଡିଛି

କାହିଁ କେଉଁ କାଳରୁ

ମୋତେ ପଚାରନା

ମୋତେ ଭଲ ପାଇବାର ଠିକଣା

ଯଦି ମୋତେ ଜଣାଥାଆନ୍ତା

ଏକୁଟିଆ ବନ୍ଦୀ ଜୀବନ ରୁ

ମୁକୁଳି ସାରନ୍ତିଣି କେବେଠୁ

ମୁଁ ବଞ୍ଚିଛି ଏକ ଏମିତି

ସତ୍ୟତା କୁ ନେଇ

ଯାହାର ନା ଅଛି

ପାଇବାର ଅଭିଳାଷ

ନା ହରେଇଵାର ଅବଶୋଷ

ପାରୁଛ ଯଦି

ମୋ ପାଇଁ ଡାକି ପାର ଈଶ୍ୱର ଙ୍କୁ

ଅବା ଅନୁରୋଧ କରିପାର ତାଙ୍କୁ

ମୋ ମୁକ୍ତି ପାଇଁ

ନଚେତ୍ ବିନା ନିର୍ଵାଣରେ

ଭୋଗୁଥିଵି ବାକିଥିବା ଆୟୂଷ ସଵୁକୁ