କୁହୁଡି

ନିର୍ଜ୍ଜନ ରାତି ର ନିରବତା

ଭୋଗ ଆଉ ଭାଗର କୁହୁଡି ଭିତରେ

ଧୂଳିସାତ ହୁଏ ଆଉ କାହାର ଜୀବନ

ଭାସମାନ କୁହୁଡି ପ୍ରହେଳିକା

ସୃଷ୍ଟି କରେ ନିର୍ଜ୍ଜନତା ର ଆଳରେ

ଆଲୁଵାଲୁରୁ ପୁଳାଏ ସ୍ଵପ୍ନ ମାନଙ୍କ ର

ହା ହା କାର ଚିତ୍କାର ମିଳେଇ ଯାଏ

ଗାଢ଼ ଅନ୍ଧାର ଭିତରେ

ଚୁପି ଚୁପି ଧିର ପାଦ ହଳେ

ଆଗଭର ହୁଏ ଅସଜଡା ସ୍ବପ୍ନ ମାନଙ୍କୁ

ସଜାଡ଼ିବା ର ଆଶା ରେ

ଅଥଚ ପଛଘୁଞ୍ଚା ଦେଇ

ଘନ କୁହୁଡି ଭିତରେ ମୁହଁ ଲୁଚାଏ

ଅଳ୍ପ ବୟସ୍କ ପ୍ରେମିକ

ପ୍ରେମିକ ଟି ଡରେ 

ଆଉ କାହାର ହାତ ଧରିବାକୁ

କାହିଁକି ନା ତା'କୁ ବେଶ୍ ଜଣା

ଆଶ୍ଵାସନା ର ପାଦ ହଳକ ବି

ଧୋକା ଦେଇ ହଜି ଯାଇପାରେ

ଘନ କୁହୁଡି ର ଅନ୍ଧାରି ସାମ୍ରାଜ୍ୟ ରେ