ଚନ୍ଦ୍ରଘଣ୍ଟା
ଚନ୍ଦ୍ରଘଣ୍ଟା
ନମୋ ନମଃ ଚନ୍ଦ୍ର ଘଣ୍ଟା ନମୋ ମହାମାୟି
ନବରାତ୍ରୀ ଦିବସେ ତୁ ପୂଜାଥାଉ ପାଇ ।
ତୁହି ଅଟୁ ଆଗୋ ମାତ ଶାନ୍ତି ପ୍ରଦାୟିନି
ତୃତୀୟ ଦିନରେ ମାଗୋ ପୂଜା ଥାଉ ଘେନି ।
ଅଶେଷ ବିଭୂତି ମୟି ନମୋ ଚନ୍ଦ୍ରଘଣ୍ଟେ
ଆର୍ବିଭୁତା ହେଇଥାଉ ବସି ବ୍ୟାଘ୍ର ପୃଷ୍ଠେ ।
ଦୁଷ୍ଟ ଦୁରାଚାର ପାପୀ ଦଣ୍ଡିଥାଉ ତୁ ଗୋ
ଦଶ କରେ ଦଶାୟୁଧ ଧରି ତୁହି ମାଗୋ ।
କଲ୍ୟାଣ କାରିଣୀ ଆଗୋ ନମଃ ଚନ୍ଦ୍ରଘଣ୍ଟା
କୃପା କର କୃପା ମୟି ଧରି ତୁହି ଘଣ୍ଟା ।
ତ୍ରିଭୁବନ କମ୍ପମାନ ତୋର ଦିବ୍ୟ ଘଣ୍ଟା
ତିନି ନେତ୍ର, ଦଶ ହାତେ ତୁହି ଗୋ ଶୋଭିତା ।
ପ୍ରଣବ ନିନାଦେ ଯେବେ କରୁ ତୁ ବାଦନ
ପ୍ରାକର୍ମେ ତୋହର ବିଶ୍ଵ , ହୁଏ କମ୍ପମାନ ।
ନମୋ ନମଃ ଚନ୍ଦ୍ର ଘଣ୍ଟା ନମସ୍ତେ ଜନନୀ
ନମସ୍ତେ ଆହ୍ଲାଦ ଦାୟୀ ମାଙ୍ଗଲ୍ୟ କାରିଣୀ ।
ସୁଦିବ୍ୟ ଚେତନା ଭାବ ଧାରାର ସ୍ପନ୍ଦନ
ଶାନ୍ତି , ପ୍ରୀତି, ସଦ୍ଭାବ , ସନ୍ତୋଷ କରୁ ଦାନ ।