ଚିତ୍ର ଚରିତ - 49 କବିତା: ବାଳୁଙ୍ଗା ଚାଷ

ବାଳୁଙ୍ଗା ଚାଷ ହେଉଛି ଏବେ ବିଛୁଆତିକୁ ଆଦର,

ଗାଈ ଗୁହାଳେ ମଶାର ଦାଉ କୁକୁର ପାଇଁ ଚାଦର |

ନିଜର ମାଆ ବେମାର ଅଛି ମୋ ଶାଶୂ ସେବା ପାଉଛି,

ଭଣ୍ଡବାବାଙ୍କୁ ପୂଜେ, ମୋ ବାପା ବୃଦ୍ଧାଶ୍ରମକୁ ଯାଉଛି |

ଜଗନ୍ନାଥ ଯେ ପରମବ୍ରହ୍ମ ତାଙ୍କୁ ଆଡ଼େଇ ରହୁଛି,

ଗୁରୁ ନାମରେ ବାବା ମନ୍ଦିରେ ସୁନା ମୁକୁଟ ଦେଉଛି |

ଆମ୍ବ ନଡ଼ିଆ ପଣସ ତୋଟା ଦେଉଛି କାଟି ଊଡ଼େଇ,

କୃଷ୍ଣଚୂଡ଼ା କି ଆକାଶିଆର ବଂଶ ଦେଉଛି ବଢେଇ |

ଉଚ୍ଚ ଶିକ୍ଷିତ ବସୁଛି ଘରେ ଗଣ୍ଡ ପାଉଛି ଚାକିରି,

ମୂଲିଆ ବସି ତାଆସ ଖେଳେ ଜମି ମାଲିକ ଭିକାରି |

ସଚ୍ଚା ମଣିଷ ବୁକୁଚା ବୁହେ ଲାଞ୍ଚୁଆ ମାରେ ସୁସୁରୀ,

ଲୁଟେରା ଚଢେ ଦାମୀ ମୋଟର ଗଢେ ଚଉଡ଼ା ପାଚେରୀ |

ଖାଦ୍ୟର ଆଉ ନାହିଁ ଆଦର ଅଖାଦ୍ୟ ବିକ୍ରୀ ହେଉଛି, 

ନିଷ୍ଠାରେ ଯିଏ କରୁଛି କାମ ଆଢୁଆଳରେ ରହୁଛି |