ଚିରା ଚିଠି

ବିଞ୍ଚି ହୋଇ ପଡ଼ିଥିବା ଗୋଟେ ଚିରା ଚିଠି

ଏତେ ଟିକିଟିକି ହୋଇ ଚିରା ଯାଇଛି ଯେ

କୌଣସି ଗୋଟିଏ ଟୁକୁରାରେ ବି 

ଶବ୍ଦଟିଏ ପୂର୍ଣ୍ଣ ନାହିଁ , 

ତାକୁ ଯୋଡ଼ିବା ବି ମୁସ୍କିଲ । 

ସବୁ ଟୁକୁରାକୁ ତନଖି ତନଖି 

ଦୁଇଟି ଶବ୍ଦ ବୁଝିହେଲା ,

ଗୋଟିଏ 'ତୁମେ' ଆରଟି 'ମୁଁ'  

ନିଶ୍ଚିତ ପ୍ରେମ ଚିଠିଟିଏ ! 

ବୋଧହୁଏ ଲେଖିବା ପରେ 

ଲେଖିବାବାଲା କି ବାଲୀକୁ 

ଚିଠିଟି ଭଲ ଲାଗିନଥିବ , 

ନହେଲେ ଦେବ ଦେବ ଭାବି ଦେଇପାରିନଥିବ

କି ନେବା ବାଲା/ବାଲୀ ନେଇ ନଥିବ । 

ଏମିତି ବି ହୋଇପାରେ , 

ପଢ଼ିବା ପରେ ରାଗରେ ଚିରା ଯାଇଥିବ । 

ନା ! ରାଗରେ କିଏ ବି 

ଏତେ ଟୁକୁରା ଟୁକୁରା କରିବନି ,

କି ଏମିତି ଧିରେ ବି ପକେଇବ ନାହିଁ ।

 

ନିଶ୍ଚୟ ଲେଖିବାବାଲା/ବାଲୀ 

ରାଗରେ ନ ଚିରି

ଆରାମସେ ବସି ଚିରିଛି 

ଯେମିତି କେହି ପଢ଼ି ନପାରନ୍ତୁ  । 

ସେ ଯାହା ବି ହେଉ 

ଏମିତିକା ଚିରା ଚିଠି

ବଞ୍ଚି ହୋଇ ପଡ଼ିଥିବା ଦେଖିଲେ , 

ଭାରି ଜାଣିବାକୁ ଇଚ୍ଛା ହୁଏ 

ଚିଠିରେ କ'ଣ ସବୁ ଲେଖା ହୋଇଥିବ ? 

ଯୋଡ଼ିବାକୁ ଇଚ୍ଛା ହୁଏ ,

ହେଇପାରିିଲେ ବଡ଼ ଖୁସି ଲାଗେ 

ନହେଲେ ବିରକ୍ତି !