ଫେରି ଯିବାକୁ ହେବ

ମନ ଗହିରରେ ସମ୍ପତ୍ତି କରି ସଞ୍ଚିଥିବା 

ପ୍ରାକ୍ ଐତିହାସିକ ପୁରାତନ ମଧ୍ୟଯୁଗ 

ଆଧୁନିକ ଉତ୍ତର-ଆଧୁନିକ ନାଁରେ

ପରସ୍ତ ପରସ୍ତ ଯେତେ ପଟୁ ସବୁକୁ 

ଏବେର ସ୍ରୋତରେ ଧୋଇ ଦେଇ

ପୁଣି ଥରେ ନିର୍ବୋଧ ଶିଶୁଟିଏ ହୋଇ 

ତାରି କୋଳକୁ ଫେରି ଯିବାକୁ ହବ

ତା' ଉଷୁମ୍ କୋଳରେ ମୁଣ୍ଡ ଗୁଞ୍ଜି

ଏ ରଡ଼ ନିଆଁ ହୃଦୟଟିକୁ ଶୀତଳ କରି ହବ

ତା' ଟାଉଁସିଆ ଶୁଖିଲା ହାତର ଆଉଁସାରେ

ଏ ଥମୁନଥିବା ଦ୍ୱନ୍ଦର ତୋଫାନ ନିଶ୍ଚୟ ଥମିଯିବ

ଅହରହ ନିଜ ନିଜର ବୃତ୍ତ ମଧ୍ଯକୁ ଝିଙ୍କୁଥିବା 

ପ୍ରୀୟ ଅପ୍ରୀୟ ବନ୍ଧୁ ଅବନ୍ଧୁ ଭିତରୁ

ଚିହ୍ନିବାକୁ ହବ କୌରବ ଆଉ ପାଣ୍ଡବ ଦଳକୁ

 

ଯୁଦ୍ଧ ଛଡ଼ା ଏଠି କେହି କିଛି ଦେବେନି

ଏ ନିକିତିରେ ଦୁଇ ପାଲର ଭାର 

ସବୁବେଳେ ସବୁ ସମୟରେ ସମାନ 

ସେ ବିଜୟୀ ହେଉ କି ପରାଜିତ 

ଶେଷରେ ଉଭୟଙ୍କ ଆସନରେ 

ନିଃସଙ୍ଗତା ହିଁ ନିସ୍କଣ୍ଟକ ରାଜୁତି କରିବ ...

  

ତଥାପି ଯଦି ଯୁଦ୍ଧ ଅପରିହାର୍ଯ୍ୟ 

ତେବେ ତ ପକ୍ଷ ବାଛିବାକୁ ହବ

ହୁଏତ ନିଜ ରକ୍ତ ବିପକ୍ଷରେ ଠିଆ ହୋଇ 

ନିଜ ଦେହ ର କର୍କଟ ଖିଆ ଅଙ୍ଗଟିକୁ 

ନିଜ ହାତରେ ବ୍ୟବଛେଦ କରି 

ଅସହାୟ ପଙ୍ଗୁ ହେଇ ବଞ୍ଚିବାକୁ ହବ  

ଆଗାମୀ ଭବିଷ୍ୟତ ର ବଂଶଧର 

ପଙ୍ଗୁ ବର୍ଣ୍ଣଶଙ୍କର ହୁଅନ୍ତୁ ଫଛେ

ହୃଦୟକୁ ତାଙ୍କର କର୍କଟ ନ ବ୍ଯାପୁ  

ଏଇଥି ପାଇଁ ଫେରି ଯିବାକୁ ହବ...।।