ବର୍ଷା
ବର୍ଷା
![](https://cdn.storymirror.com/static/1pximage.jpeg)
![](https://cdn.storymirror.com/static/1pximage.jpeg)
ପୃଥିବୀକୁ ଓହ୍ଲାଇ ଆସ
ତୁମେ ବରଷାର ଧାର ନେଇ
ଫାଟି ଯାଇଥିବା ପୃଥିବୀ ମାତାକୁ
ଭିଜେଇ ଦିଅ ।
ମେଘର ମହ୍ଲାରରେ ବିଜୁଳି ଓ
ଘଡଘଡି ଶବ୍ବେ
କମ୍ପାଇ ଦିଅ ସଭିଙ୍କୁ ।
ଶୁଖିଯାଇଥିବା ନଈ ନାଳକୁ
ଭରପୁର କରି
ଫଲାଇଦିଅ ସୁନାର ଫସଳ ।
ତୁମରି ବାଟକୁ ଚାହିଁ ରହିଥିବା
ଚାତକ ପକ୍ଷୀ ତୁଣ୍ଡରେ ପାଣି ଛିଞ୍ଚି
ଅପେକ୍ଷାକୁ କର ଅନ୍ତ ।
ମୟୂରୀର ନୃତ୍ୟ ଦେଖି
ଆନନ୍ଦିତ ହୁଅ ।
ତୁମକୁ ଅପେକ୍ଷା କରି ଅନାଇ ରହିଥିବା
ଚାଷୀ ପରିବାରର ପୂଜାକୁ ଗ୍ରହଣ କରି
ଓହ୍ଲାଇ ଆସ ।
ତୁମରି ଧାରାରେ ମାଟିକୁ ମହକାଇ ଦିଅ
ସୁଗନ୍ଧିତ ବାସ୍ନାରେ ।
ବେଙ୍ଗ ବେଙ୍ଗୁଳିର ବାଦ୍ୟର ଝଙ୍କାରରେ
ତୁମେ ଗୁଣୁଗୁଣୁ ଗୀତ ଗାଇ
ନାଚିନାଚି ଆସ ।
ତୁମକୁ ପ୍ରତିକ୍ଷା କରିଥିବା ପୃଥିବୀକୁ
ଆଜି ଭିଜାଇ ଦିଅ
ତୁମ ବରଷାର ଧାରେ ।