ଶିକ୍ଷକ

ଗୁରୁଙ୍କ ଚରଣେ ଅର୍ପଣ କରୁଛି

ଭକ୍ତିର କୁସୁମାଞ୍ଜଳି

ଜ୍ଞାନର ଆଲୋକ ଢାଲିଦେଲ ତୁମେ

ଅନ୍ଧାରକୁ ଦୂରକରି ।

ଅଜ୍ଞାନକୁ ମୋର ଦୂର କରିବାକୁ 

ତୁମେ ଦେଲ ଆଶିର୍ବାଦ

ଦେଖାଇଲ ତୁମେ ଆଲୋକର ପଥ

ଥିଲି ମୁହିଁ ଯେ ଅବୋଧ ।

ଗରଭ ଧାରିଣି ମାଆ ମୋର ଗୁରୁ

ପେଟରୁ ଦେଇଛି ଶିକ୍ଷା

ବାପାଙ୍କ ଆଦର୍ଶେ ଅନୁପ୍ରାଣିତ ମୁଁ

ବିପଦୁ କରନ୍ତି ରକ୍ଷା ।

ସୁଝି ପାରିବିନି ତାଙ୍କ ଋଣ କେବେ

ଚରଣେ କରେ ପ୍ରଣତି

ତାଙ୍କରି ଆଶିଷ ଲାଭକରି ଆଜି

ଜୀବନେ କରେ ଉନ୍ନତି ।

ପ୍ରଥମ ଶ୍ରେଣୀରୁ ସ୍ନାତକୋତ୍ତରଯାଏଁ

ଗୁରୁଙ୍କ ଆଶିଷ ଲଭି

ପାଇଛି ତାଙ୍କଠୁ ଜ୍ଞାନର ଭଣ୍ଡାର

ହୋଇ ମୁହିଁ ଭାଗ୍ୟବତୀ ।

ଲେଖନି ଚାଳନା କରିବା ପାଇଁ ମୁଁ

ପାଇଛି ଗୁରୁଙ୍କଠୁ ଉତ୍ସାହ

ପ୍ରତ୍ୟେକ କ୍ଷେତ୍ରରେ ତାଙ୍କ ସହଯୋଗ

କରିଛି ମୋତେ ଆଗ୍ରହ ।

ଚତୁର୍ଦିଗେ ପୁଣି ଅନେକଙ୍କଠାରୁ 

ଶିକ୍ଷା ପାଇଛି ମୁହିଁ

ସଭିଙ୍କୁ ନିଜର ଗୁରୁ ମୁଁ ଭାବିଛି

ଶିଷ୍ୟଟିଏ ତାଙ୍କ ହୋଇ ।

ପବିତ୍ର ଏଇ ଗୁରୁ ଦିବସରେ

ନତମସ୍ତକ ହୋଇ

ଗୁରୁଙ୍କ ପଦ ପୟରେ ପ୍ରଣତି ଢାଲେ

ନତମସ୍ତକ ହୋଇ ।