ବର୍ଷା ତୁମେ ସ୍ମୃତି ମୋର

ବରଷା ଯାଇଛି ମୋ ପ୍ରିୟା ଗାଆଁକୁ

ଆମଗାଆଁ ଦାଣ୍ଡ ଦେଇ

ମୋତେ ଭିଜାଇଛି ତାକୁ ଵି ଖୋଜୁଛି

ସାଥେ ଭିଜାଇବା ପାଇଁ ।

ପହିିଲି ଆଷାଢ଼ ପହିିଲି ଵାରୀରେ

ଭିଜୁଥିଲୁ ଯେଉଁଦିିିନ

ହୃଦେ ତୋଳୁୁୁୁଥିଲା  ପ୍ରିତୀଗୀତି ସ୍ୱର

ମୋ ଗାଆଁ କଦମ୍ଵ ଵନ ।

ଭସା ଭସା ମେଘ ନଭେ ୍ଇଂଦ୍ରଧନୁ

ବୁୁଣୁଥିଲା ସାତରଙ୍ଗ

ତା ରଙ୍ଗେ ଭିଜିଲେ ସ୍ୱପ୍ନ ସୁନ୍ଦରୀ ଗୋ

ନିଆରା ନିଆରା ଲାଗ ।

ଓଦା ଗାଢ଼ କୁଞ୍ଚତୁମ କୁନ୍ତଳରୁୁ

ଝରିିିଗଲେ ଵର୍ଷାପାଣି

ମୋ ମନ ଅରଣ୍ୟେ ନୀଳନୟନା ଗୋ

ଦେଉଥିଲ ସ୍ୱପ୍ନ ଵୁଣି ।

ହରିିଣୀ କଟାକ୍ଷେ ରାଜହଂସ ଚାଲିି

ଜଵାକଢ଼଼ି ଓଠ ଧାରେ

ଝରିିିଗଲେ ହସ ସାତ ସୁରଙ୍ଗିଣୀ

ମୋ ମନ ଵଂଶୀରେ ତୋଳେ ।

ରଜନୀ ଗନ୍ଧାର ସ୍ତଵକେ କଵରୀ

ଦିଶୁଥିଲ ଅନୁୁପମା

ଖିଆଲି ମନରେ ଫୁଲଫଗୁଣରେ

କରୁୁଥିଲ ଆନମନା ।

ମନ୍ଦମନ୍ଦ ବହେ ଚୋରା ଚଇତାଳିି

ତୁମ ତନୁ ମନ ଛୁଇଁ

ଅଙ୍ଗେ ଅଙ୍ଗେ ଭରେ ମଧୁୁର ପୁୁଲକ

ଉନ୍ମାଦେ ମୁଁ ଶିହରହି ।