Library
Profile
ବିଶ୍ବ ପ୍ରକୃତି ଦିବସ
ବିଶ୍ବ ପ୍ରକୃତି ଦିବସ
ଆହାଃ କି ସୁନ୍ଦର ପ୍ରକୃତି ସୃଜନ
ମୃତ୍ତିକା ପାଣି ପବନ,
ନଦୀ ଓ ସାଗର ଝରଣା ପର୍ବତ
ଜୀବଜନ୍ତୁ ଭିନ୍ନ ଭିନ୍ନ ।
ଜୀବଜଗତରେ ପ୍ରାଣୀ ଓ ଉଦ୍ଭିଦ
ସନ୍ତୁଳନ ପରିବେଶ,
ସୁନ୍ଦର ତୃପ୍ତିର ନାହିଁ ଅବସାଦ
ବର୍ଣ୍ଣନେ କବି ମାନସ ।
ପାହାଡ଼ ପର୍ବତ ଗିରି ହିମାଳୟ
ଅବା ଏଭେରେଷ୍ଟ୍ ଶୃଙ୍ଗ,
କୁଳୁକୁଳୁ ନାଦ ଝରଣା ସଙ୍ଗୀତ
ସାଗର ପିଟେ ମୃଦଙ୍ଗ ।
ପାହାଡ଼ ପର୍ବତୁ ଉତ୍ପତ୍ତିରେ ନଦୀ
ମୃତ୍ତିକା ଚିରି ଗ
ମନ,
ସବୁଜ ବନାନୀ ପୃଥିବୀରେ ସୃଜି
ସିନ୍ଧୁକୁ କରେ ଲମ୍ଫନ ।
ଶୋଭାର ଭଣ୍ଡାର ଫଳ ଫୁଲ ପତ୍ର
ବନ ଉଦ୍ଯାନେ ପାଦପ,
ପଶୁ-ପକ୍ଷୀଙ୍କର ଗର୍ଜନ ଗୁଞ୍ଜନ
ଶ୍ରବଣେ କବିତା ଗଳ୍ପ ।
ସୁନ୍ଦର ସୁଦୃଶ୍ୟ ସୃଜନେ ବିଭୋର
ବିଶ୍ବ ପ୍ରକୃତି ସଂସ୍ଥାନ,
ରକ୍ଷଣାବେକ୍ଷଣ ଦିଗେ ସଚେତନ
ବିଶ୍ବ ସମାଜେ ଆହ୍ବାନ ।
ତିନି ଅକ୍ଟୋବର ଦି' ହଜାର ଦଶ
ମସିହା ଠାରୁ ଗଣନ,
ବିଶ୍ବ ପ୍ରକୃତିର ଦିବସ ପାଳନେ
ସୁରକ୍ଷାରେ ମନ ଧ୍ୟାନ ।
