ବିଶ୍ବ ପିତାମାତା ଦିବସ
ବିଶ୍ବ ପିତାମାତା ଦିବସ
ପିତାମାତା ଆମ ଚଳନ୍ତି ପ୍ରତିମା
ଇଶ୍ବରଙ୍କ ପ୍ରତିମୁର୍ତ୍ତି ।
ତାଙ୍କୁ ସେବା କଲେ ଇହକାଳ ପାଇଁ
ପାଇଯିବ ଗତିମୁକ୍ତି ।
ଧନ୍ଯ ସେ ସନ୍ତାନ ପିତା ମାତା ଋଣ
କିଞ୍ଚିତ୍ ପାରିଲେ ସୁଝି ।
ନରଜନ୍ମ ତାର ସାର୍ଥକତା ପାଏ
ସ୍ବର୍ଗାଲୋକ ହୁଏ ପ୍ରାପ୍ତି ।
ସାତଜନ୍ମ ପାଇଁ ଋଣଗ୍ରସ୍ତ ହୁଏ
ପିତୃଦ୍ରୋହି ମାତୃଦ୍ରୋହି ।
କୂଳର କଳଙ୍କ ହୁଏ ଅବିବେକ
କୀଟ ଯୋନି ଭ୍ରମୁଥାଇ ।
ସୁପୁତ୍ର ପାଇଁକି ବୈକୁଣ୍ଠେ ଆସ୍ଥାନ
ପରମ ଗତି ଲଭେ ଜୀବ ।
ଏତିକି ମାଗୁଣି ଆହେ ସୁଧିଜନ
ପାରିହେବ ଦୁଃଖ ଭବ ।
ବୃଦ୍ଧ ପିତା ମାତା ନପଠାଅ ବାବୁ
ଶେଷ କାଳେ ଜରାଶ୍ରମେ ।
ତତଲା ଲୁହରେ ଅଭିଶାପ ଅଛି
ଜଳିପୋଡି ଯିବା ଆମେ ।