ବିରହୀ ପ୍ରେମିକା
ବିରହୀ ପ୍ରେମିକା
କେବେ ଥରେ ଆସି ଦେଖ ମତେ
ଯୋଉଠି ତମେ ଛାଡିଥିଲ ସେଇଠି ଅଛି
ଆଉ ଯାଇନି ଆଗକୁ
କଣ ତୁମେ ଫେରିବ ଆକାଶକୁ ଛୁଇଁସାରିଲା ପରେ
ନା ଆକାଶର ମେଘମାଳା ରେ ନିଜକୁ ବାନ୍ଧି ରଖିବ
କହିଯାଅ ମତେ, ପ୍ରମାଣ ର ଗୋଟେ
କାଗଜ ପୃଷ୍ଠା ଧରେଇ ଯାଅ ମୋ ହାତେ
ତମେଚାଲିଗଲ ସୁଯୋଗ୍ୟ ପୁରୁଷ ହବାକୁ
ମୁଁ ଯେ ଏଠି ବିକଳାଙ୍ଗ ତୁମବିନା
ଥରେ ବି ଚାହିଁଲନି ପଛକୁ
ପଡିରହିଛି ପାଷାଣି ଅହଲ୍ୟା ପରି
ତୁମେ କଣ ଫେରିବ ମୁକ୍ତ କରିବାକୁ
ଆଦର୍ଶ ପୁତ୍ର ଶ୍ରୀରାମ ଚନ୍ଦ୍ର ହେଇସାରିଲା ପରେ ,
ପ୍ରମାଣ ପାଇଁ ରଖିଯାଅ ତୁମ ହାତଲେଖା ଶିଳାଲେଖ
କେବେ କେବେ ଆଗକୁ ଗଲାପରେ ଚାହିଁବ ପଛକୁ
ଦେଖିବ ପ୍ରେମର ମନ୍ଦିରରେ ମୁଁ ନିତି ଜାଗର ଜାଳୁଚି
ଉପରକୁ ଚଢି ଥରେ ଚାହିଁବ ତଳକୁ
କେହିଜଣେ ତମେ ଫେରିବାର ବାଟ
ଚାହିଁ ବସିଛି ।