ହେ ଦେବୀ

ହେ ଦେବୀ ତୁ ବି ତ ନାରୀ

ତାହେଲେ ତତେ ସେଠି ପୂଜା କଲାବେଳେ 

ଏଠି ଆଉ ଗୋଟେ ନାରୀ ଧର୍ଷିତା କାହିଁକି ?

ହେ ଦେବୀ ତୁ ବି ତ ଗୋଟେ ମା 

ମା ମା କହି ତତେ ହାତ ଯୋଡିଲା ବେଳେ

ଏଠି ଆଉ ଜଣେ ମା ବୃଦ୍ଧାଶ୍ରମେ କାହିଁକି ?

ହେ ଦେବୀ ତୁ ବି ତ ଗୋଟେ ଝିଅ 

ଝିଅ ବୋଲି ତୁ ଉଚ୍ଚେ ରହିଲା ବେଳେ

ଆଜି ଆଉ ଜଣେ ନାରୀ ପେଟରେ ଭ୍ରୁଣ ହତ୍ୟା କାହିଁକି ?

ହେ ଦେବୀ ତୁ ବି ତ କାହା ଭଉଣୀ

ଜଣଙ୍କ ହାତେ ତୁ ରାକ୍ଷୀ ବାନ୍ଧିଲା ବେଳେ

ଏଠି ଜଣେ ନିଜ ବେକେ ଫାଶି ଦିଏ କାହିଁକି ?

ହେ ଦେବୀ ତୁ ବି ତ ଜଣେ ସ୍ତ୍ରୀ 

ତତେ ଜଣେ ସତୀ ମାନିଲା ବେଳେ

ଏ କଥା କୁହା ମଣିଷ ପାଖେ ହୁଏନି କାହିଁକି ?

ହେ ଦେବୀ ତୋ ପଥର ମୂର୍ତ୍ତି ଉପରେ

ଶହ ଶହ ଭୋଗ ଲାଗୁଥିଲା ବେଳେ

ତୋ ମନ୍ଦିର ଦୁଆରେ ସେ ଭୋକିଲା କାହିଁକି?

ହେ ଦେବୀ ତତେ ହଜାରେ ପାଟ ବସ୍ତ୍ର ଦାନ କଲାବେଳେ ଏଠି ଜଣେ ବିବସନା ହୁଏ କାହିଁକି ?