ଅନୁତାପ
ଅନୁତାପ
ସମାଧାନର ସମସ୍ତ ସୂତ୍ର
ହୋଇଯାଏ ମନ ହୃଦୟ ପବିତ୍ର
ପୂଣ୍ୟ ମିଳେ କଲେ ପରିତାପ
ଅନୁତାପ ଅନଳେ ଧୋଇଯାଏ ପାପ
ଭୁଲ କରିବା ପୁର୍ବରୁ ଭାବିନେଲେ
ଡର ନିନ୍ଦା ଅନୁଶୋଚନା ନଥାଏ ଭଲେ
ଝୁଣ୍ଟେ ମଣିଷ ବାଟ ଯେବେ ଚାଲେ
ଜୀବନଟା ବନ୍ଧା ପରା ନିଆଁ ଝୁଲେ
ବୃଦ୍ଧ କାଳେ ପିତାମାତାଙ୍କୁ ଅଣହେଳା
ନକଲେ ଅନୁତାପ ଅନଳେ ନବୁଡେ ଭେଳା
ଅନ୍ୟକୁ କଟୁ କଥା କହି ନକର ଲୀଳା
ଦୁଃଖି ରଙ୍କି ମାଗୁଥିଲେ ଦିଅ ନକରି ହେଳା
ଦେବ ବିପ୍ର ଅତିଥିରେ ରଖି ମନ
ଜୀବନଟା ସାରା ସଂଚିଲେ କଣ ହେବ ଧନ
ପର ସ୍ତ୍ରୀ ପର ଝିଅଙ୍କୁ ମଣି ନିଜ ସମ
ସାର୍ଥକ ହେବ ଧନଧାନ୍ୟ ପୁଣି ମହାପୂଣ୍ୟ
ପ୍ରେମରେ ପ୍ରତାରଣା କରିବା କିଆଁ
ଅନୁତାପ ଅନଳରେ ଥିବକି ଅସ୍ତିତ୍ୱର ନିଆଁ
ଜଳିଯିବ ହୃଦୟ ଦେଖାଯିବନି ଧୂଆଁ
ଭାବିଚିନ୍ତି କାମ କଲେ ଖୁସିର କିମିଆଁ
ଭୁଲ ଯଦି ହୋଇଯାଇଅଛି ଅଜାଣତେ
ଅନୁତାପ କରିବାକୁ ହେବ ପଶ୍ଚାତାପେ
ପ୍ରେମ ନାମେ କଳଙ୍କ କାଳିମା ଗୁପତେ
ନହୋଇ ଅନୁତପ୍ତ ଚାଲିବା ତ୍ୱରିତେ ନିରତେ
ସତରେ ଅନୁତାପ ମହନୀୟ ତୁମେ
ତୁମ ଶବ୍ଦ ନଥିଲେ ବଞ୍ଚି ହୁଅନ୍ତାନି ଏ ଜନ୍ମେ
ତୁମେ ଶତ ପ୍ରତିଶତ ମରମେ ମରମେ
ଅନୁତାପ ଫୁଲ ମନ ମରୁଦ୍ୟାନେ ତୁମେ
ଶବ୍ଦରେ ଶବ୍ଦର ବିଶ୍ଲେଷଣ
ଭୁଲ ପରେ ଅନୁତାପର ସମ୍ଭାଷଣ
ମଣିଷର ମିଛ ଅହମିକା ଆବରଣ
ପଶ୍ଚାତାପ ଅନଳରେ ଅନୁତାପ ବିକିରଣ