ଅଭାବୀ ମଣିଷ

ମାଟିର ମଣିଷ ଅଭାବ କଷଣେ

ନ ମରୁ ସଢି ଭୋକରେ

ରୁଟିର ଟୁକୁଡ଼ା ଖଣ୍ଡିକ ପାଇଁ କି

ନ ବୁଲୁ ବାର ଦୁଆରେ ।

ଗଳିକନ୍ଦି ରାସ୍ତା ମନ୍ଦିର ସମୀପେ

ରେଳଷ୍ଟେସନ ବଜାରେ

ପାତୁଛି କାଙ୍ଗାଳ ଶିରାଳ ହାତକୁ

ମାଗୁଛି ପେଟ ବିକଳେ ।

ପେଟ ଚାଖଣ୍ଡକ ପୋଷିବା ନିମନ୍ତେ

ଖଟୁଛି କିଏ ଦାଦନ

ଜନମ ମାଟିକୁ ମୁରୁଛି ଯାଉଛି

ଭୋଗୁଛି ନାନା କଷଣ ।

ଅଭାବୀ ମଣିଷ ହେଉ ସ୍ୱ।ବଲମ୍ବୀ

ଗରିବ ଆତ୍ମନିର୍ଭର

ଅସହାୟ ବୃଦ୍ଧ ବିକଳାଙ୍ଗ ପାଉ

ସୁଲଭ ରନ୍ଧା ଆହାର ।

ନିରାପଦ ହେଉ ଗରିବ ଆବାସ

ନିର୍ଭୟ ହେଉ ଜୀବନ

ରୋଗ ଓ ବିପଦେ ନ ହେଉ କାତର

ଲଭୁ ସେବା ଆଶ୍ୱ।ସନ ।

ଜୀବନ ଧାରଣ ମୈ।ଳିକ ସୁବିଧା

ଖାଦ୍ୟ ବସ୍ତ୍ର ବାସଗୃହ

ହେଉ ସୁନିଶ୍ଚିତ ସୁଲଭେ ପ୍ରାପତ

ମାନବୀୟ ଅଧିକାର ।

ଶୁଦ୍ଧ ପେୟ ଜଳ ଶିକ୍ଷା ଦୀକ୍ଷା ସ୍ୱ।ସ୍ଥ୍ୟ

ସେବା ସମାଜ କଲ୍ୟାଣ

ଫଳପ୍ରଦ ଭାବେ ଗୋଷ୍ଠୀ ଜୀବନରେ

ଲୋଡଇ କାର୍ଯ୍ୟାନ୍ୱୟନ ।

ବାସ୍ତବାଭିମୁଖୀ କାର୍ଯ୍ୟକ୍ରମେ ବଢୁ

ଉପଭୋକ୍ତା ଭାଗିଦାରୀ

ଜନ ସହଯୋଗ ଉଦ୍ୟମ ସଫଳେ

ଯୋଜନା ମଙ୍ଗଳକାରୀ ।

  ------