ନଦୀ ଆଉ ବର୍ଷା

ଜୀବନର ବିନ୍ଦୁ ବରଷା ଝରକୁ

ଗରଭେ ସଞ୍ଚୟ କରି

ପ୍ରବହେ ତଟିନୀ ନଦୀ ସ୍ରୋତସ୍ବିନୀ

କୁଳୁକୁଳୁ ନାଦ ତୋଳି ।

ହସେ ଦୁଇ କୁଳେ ସବୁଜ ସମ୍ଭାର

ଉପୁଯେ ସୁନା ଫସଲ

ବିକଶେ ସଭ୍ଯତା ସମାଜ ଜୀବନ

ସାହିିତ୍ଯ ଭାଷା ସୁନ୍ଦର ।

ଅଙ୍କାବଙ୍କା ହୋଇ ବହିଯାଏ ନଈ 

ସାଇତି ଅମୃତ ପୟ

ତୃଷାର୍ତ୍ତ ପ୍ରାଣକୁ କରଇ ଶୀତଳ

ବିତରି ମାତୃତ୍ବ ସ୍ନେହ ।

ସଂଯୋଗ ସମ୍ପର୍କେ ନଦୀ ଜଳପଥ

ପ୍ରଶସ୍ତେ ସରବରାହ 

ନଦୀ ଆଉ ବର୍ଷା ସଦ୍ଭାବ ବ୍ଯାହତେ

ଲାଗେ ବଡ ଦୁର୍ବିସହ ।

କୃତ୍ରିମ ପ୍ରଯୁକ୍ତି ବନ୍ଧ ଆନିକଟ

କାରଖାନା ରସାୟନ 

ନାଳ ଓ ନର୍ଦ୍ଦମା ବର୍ଜ୍ୟ ଆବର୍ଜନା

ବୃଦ୍ଧି କରେ ପ୍ରଦୂଷଣ ।

ବାଲି ପଟୁ ସ୍ତରେ ପୋତି ହୋଇ କ୍ରମେ

ନଦୀ ଶଯ୍ଯା ସୁଗଭୀର 

ସୃଜଇ ବିପଦ ବନ୍ଯାର ବିତ୍ପାତ 

ବାଟବଣା ବର୍ଷା ଜଳ ।