ମୋ ପ୍ରଶ୍ନ, ପ୍ରଶ୍ନବାଚୀ

କାହିଁ କେବେ ଆସୁ ନାହଁ

ଆଜି ମୋର କତି

ଚାହିଁ ଚାହିଁ ବାଟ ତୁମ

ଲାଗୁଛି ଅଶାନ୍ତି ।

ଫୋନ୍ ତୁମ ଲାଗୁ ନାହିଁ

ମନେ ଲାଗେ ଡର

ରାଗିଛ କି ପ୍ରୀୟ ତୁମେ

ଗେଲି ମୁଁ ତୁମର ।

କଥା ଦେଇ ଥିଲ ତୁମେ

ଜଲଦି ଆସୁଛ

ଦିନ ପରେ ଦିନ ବିତେ

ଭାବୁଛି ରାଗିଛ ।

ମନ ଖାଲି ଖୋଜେ ତୁମେ 

ହେଉଛି ବ୍ୟାକୁଳ 

ଆଜିକାଲି ମିଳୁନାହିଁ

ଆସିବାକୁ ବେଳ ।

ସତେ ତୁମେ ରହିଅଛ

କାହା ପ୍ରେମେ ବାଇ

ଝୁରୁଅଛି ରାତିଦିନ

ନ'ପାରଇ ଶୋଇ ।

ଜୀବନେ ଆସିଲା ସତେ

କଳା ମେଘ ମୋର

ଶୁଖୁ ନାହିଁ ଆଖି ମୋର

ଛୁଟେ ଲୁହ ଧାର ।

ସଦା ପାଖେ ବସି କୁହ

ମନର ମାନସୀ

ପାଖେ ଆସି ଉଭା ହୁଅ

ଦିଅ ଟିକେ ହସି ।

କୁହ କାହିଁ ଚାଲି ଗଲ

ଅଫେରନ୍ତା ଦେଶ

ଆଜି ମୋତେ ଦୁଃଖ ଦେଲ

କେ କରିବ ନାଶ ।

ପାଖେ ଆଜି ଶୋଇଅଛ

କରୁଛି ପ୍ରଶନ

ଉତ୍ତର ତ ଦେଉ ନାହଁ

ଲାଗୁଛି ବିଷଣ୍ଣ ।

ଭରିଥିଲ ସୁଖଶାନ୍ତି

ମନେ ସପ୍ନ ରଚି

ମିଳିବନି ଥଳକୂଳ

ମନେ ପ୍ରଶ୍ନବାଚୀ ?

ରହିଗଲା ଶେଷ ପ୍ରଶ୍ନ

ଅକୁହା ବେଦନା

ଉଠିବନି ଜାଣେ କେବେ

କହିବାଟା ମନା ।

ଜଣା ନାହିଁ କେବେ ପୁଣି

ନେଇ ଯିବ ପାସ

ପୂର୍ଣ୍ଣ କରି ଶେଷ ପ୍ରଶ୍ନ

ଫୁଟାଇବ ହସ ।