ଆମ ପୃଥିବୀ (ବିଶ୍ୱ ପରିବେଶ ଦିବସ )

ଘୁରେ ଆମ ପୃଥିବୀଟି ଚକା ଚକା ଭଉଁରୀ
 ଘୁରୁଛି ସେ କେଉଁ କାଳୁ ଘୁରୁଥିବ ଆହୁରି ।
ଯେତେ ସବୁ ଦୁନିଆଁରେ ଦିଶୁଅଛି ତାହାରି
 ତାକୁ ଆମେ ଧରି ରଖି କହୁଥାଉ ଆମରି ।
 ନେଉଥିଲେ ଯତ୍ନ ତାର ଦିଶୁଥିବ କୁଆଁରୀ
 ହସୁଥିବ ଫୁଲ ଫଳେ ଦୁଃଖ ଯିବା ପାଶୋରି।
କାଟିବାନି ବୃକ୍ଷଲତା ଜଙ୍ଗଲଟା ସବୁରୀ
 ହସୁଥିବେ ଜୀବଜନ୍ତୁ କରିତାକୁ ସବାରୀ ।
 ଲଗାଇବା ବୃକ୍ଷରାଜି ବଣ ହେବ ତିଆରି
 ହଟିଯିବ ରୁଦ୍ରତାପ ଦୁଃଖ ଯିବ ଆମରି ।
ପ୍ରଦୂଷଣ ରୋକିଦେବ ଛେଦିବାନି ତାହାରି
ପୃଥିବୀଟା ମାଆ ଆମ କରୁଥିବା ଗୁହାରୀ।
 ଜଳବାୟୁ ସନ୍ତୁଳିତ ସଦା ହେବ ଆମରି
 ସବୁଜର ଓଢଣୀରେ ହସୁଥିବ କୁଆଁରୀ।
ଘୁରୁଥିବ ପୃଥିବୀଟା ଘୁରୁଥିବ ଆହୁରି 
ନୂଆ ନୂଆ ରୂପରେଖ ଦେଖୁଥିବା ଆହୁରି।