💥ପଢ଼ିବ କନ୍ୟା, ବଢ଼ିବ କନ୍ୟା💥

କନ୍ୟା ହିଁ ପଢ଼ିବ, କନ୍ୟା ହିଁ ବଞ୍ଚିବ
ସୁରକ୍ଷାରେ ଦିଅ ଧ୍ୟାନ
ତାହାରି ଗର୍ଭରୁ ଜନ୍ମ ନେଉଥିବା
ରଖିବ ତାହାର ମାନ।
ଜନନୀ, ଭଗିନୀ, କନ୍ୟା ରୂପେ
ନାରୀ ଜୀବନ ଆଧାର
ତାହାରି ଗର୍ଭରେ ହୁଏ ଆତଯାତ 
ସାରା ଜଗତ ସଂସାର। 
ଦିଏ ଯେ ଜୀବନ ଦିଏ ଯେ ମମତା
ଆଜି ହୁଏ ଅବହେଳିତ
ତାହାର ସମ୍ମାନ, ତାହାର ସୁରକ୍ଷା
ହେଉ ସଦା ସଂକଳ୍ପିତ।
ରକ୍ଷକ ଭକ୍ଷକ ଆମେ ହିଁ ସାଜୁଛେ 
ଭଲ କରି କର ଲୟ 
ସୁରକ୍ଷା ତାହାର ଅବହେଳା କଲେ 
ଆସିବ ମହା ପ୍ରଳୟ।
ମାନବତା ଯଦି ଆମେ ଭୁଲିଯିବା
ହଜିବ ବିବେକ-ଜ୍ଞାନ
ତାହାରି ପାଇଁ କି ସର୍ବେ ଆମେ ଜାତ
ତା' ସୁରକ୍ଷା ଆଜି ଆହ୍ୱାନ।
ପଢ଼ିବ କନ୍ୟା, ବଢ଼ିବ କନ୍ୟା
ସ୍ୱପ୍ନ ହେବ ତା' ସାକାର
କନ୍ୟାର ହସରେ ହସିବ ଦେଶ
ଉଜ୍ଜ୍ୱଳ ହେବ ସଂସାର।
କନ୍ୟାକୁ ଦିଅ ଶିକ୍ଷାର ଆଲୋକ 
ସୁରକ୍ଷା ଆଉ ସମ୍ମାନ 
କନ୍ୟା ହିଁ ଆମର ଆଗାମୀ ଭବିଷ୍ୟ 
କନ୍ୟା ହିଁ ଦେଶର ପ୍ରାଣ।