ଶେଷ ପ୍ରଶ୍ନ

ନାହିଁ ମୋ ପ୍ରେମରେ

    କମା ପୂର୍ଣ୍ଣଚ୍ଛେଦ

      ନାହିଁ ବୋଧେ ଶେଷ ସୀମା

ଭଲ ପାଉଥିଲି

    ଭଲ ପାଉଥିବି

      ଭୁଲିବିନି ତାକୁ ଜମା ।

ପ୍ରେମ ଫଗୁଣର

   ଫୁଲ କୁମାରୀ ସେ

     ଆସିଥିଲା ମନେ ମୋର

ଛୁଆଁ ରେ ଜାଳିଲା

    ପ୍ରେମର ପ୍ରଦୀପ

      ଜଳୁଥିବ ନିରନ୍ତର ।

Advertisement

>

ଭସା ବାଦଲକୁ

   ନାହିଁରେ ଭରସା

      ଆସିଲା ପ୍ରଶ୍ନ କୁ ଧରି

ଉତ୍ତର ଭିତରେ

    ହଜିଲା ସଂମ୍ପର୍କ

      ଆସିଲାନି ପ୍ରିୟା ଫେରି ।

ସବୁଦିନ ପାଇଁ

    ପ୍ରଶ୍ନ ଶେଯ ତଳେ

      ଗଲାସେ ସମାଧି ନେଇ

ଅଧାଗଢ଼ା ପ୍ରେମ

     ରହିଗଲା ଅଧା

      ଶେଷ ପ୍ରଶ୍ନବାଚୀ ହୋଇ ।