ସମ୍ପର୍କ

ଅବିଶ୍ବାସୀ ମନ 

     ଜାଳିଦିଏ ନିତି

       ସଂମ୍ପର୍କର ସୂତା ଖିଅ

ନିବିଡ ପ୍ରେମରେ 

     ଆସେ ପ୍ରତାରଣା

       ଆଖିରେ ଲୋତକ ସୁଅ ।

ମିଠା ମିଠା ସ୍ମୃତି 

    ସପନ ପାଲଟେ

       ମନକୁ ପାରେନା ଛୁଇଁ

ଅଭିମାନ ମିଶା

     ଦରଦୀ ପରାଣ

       ନିମିଷକେ ଯାଏ ନଇଁ ।

ପୀରତି ଦୋଳିରେ 

     ଝୁଲେ ନାହିଁ ଫୁଲ

         ଝୁରି ଝୁରି ଯାଏ ମରି

ଆଶା ଆକାଂକ୍ଷାର

     କୁହୁଡି ଖେଳରେ

        ନିଜେ ନିଜେ ଯାଏ ହାରି ।

ଦୂର ଦିଗନ୍ତରେ

     ହଜିଗଲେ ଜହ୍ନ

       କୁମୁଦ ଝୁରଇ ସିନା

ପ୍ରତାରଣା ଭରା

     ତତଲା କୋହରେ

        ହୃଦ ହୁଏ ଆମମନା ।

ଓଠ ଭୁଲିଯାଏ

     ହସର ଠିକଣା

       ଯଉବନ ହୁଏ ଫିକା

ନବ ମଧୁକାଳେ

    ନୀରଵ ପରାଣ

       ସାଜେ ମରୁ ମରୀଚିକା ।।