ଲାଇବ୍ରେରୀ
ପ୍ରୋଫାଇଲ୍
ପ୍ରଶ୍ନ ପରେ ପ୍ରଶ୍ନ
ପ୍ରଶ୍ନ ପରେ ପ୍ରଶ୍ନ
1 min
291
ପ୍ରଶ୍ନ ପରେ ପ୍ରଶ୍ନ
ପଚାରନା ମୋତେ
ଉତ୍ତର ଠିକଣା ନେଇ
ପ୍ରଶ୍ନରେ ପ୍ରଶ୍ନରେ
ହଜିଛି ଅତୀତ
ଯାଇଛି ଅଲୋଡା ହୋଇ।
ନିରୀମାଖି ମୁଁ ଯେ
ଜାଣେନା ଉତ୍ତର
ପ୍ରଶ୍ନରେ ଯାଇଛି ହଜି
ମନ ଆକାଶରେ
ଘୋଟିଛି ବାଦଲ
ଲୁହରେ ଯାଉଛି ଭିଜି ।
ପୁଳା ପୁଳା ପ୍ରଶ୍ନ
ଉଙ୍କିମାରେ ଆଜି
ବିଦଗ୍ଧ ପରାଣ ନେଇ
କି କାରଣେ ପ୍ରଭୁ
ଦେଲେ ଏ ଯାତନା
ଯା'ର କେବେ ଶେଷନାହିଁ ।
ମଶାଣିରୁ ଜୁଇ
ସବୁଠାରେ ମୁଁହିଁ
ରହିଲି ପ୍ରଶ୍ନଟେ ହୋଇ
ପ୍ରଶ୍ନର ଝଞ୍ଜିର
ବାନ୍ଧିନେଲା ମୋତେ
ଗଲି କଳଙ୍କିନୀ ହୋଇ ।
ଚାହୁଁ ଚାହୁଁ ଆଖି
ବୁଝିତ ଗଲାଣି
ପ୍ରଶ୍ନର ଇଙ୍ଗିତ ସାର
ପ୍ରଶ୍ନ ନୁହେଁ ସେତ
ମରମ ବେଦନା
ହୃଦୟେ ଅଲିଭା ଗାର ।
