ରୁଟିର ପ୍ରକୃତ ଛବି

କ୍ଷୁଧାରେ ଆତୁର ଜୀବନ ଯାହାର

ସେ ବୁଝେ ରୁଟିର ମୂଲ୍ୟ

ସାଦରେ କରେ ସେ ଭୋଜନ ତାହାକୁ

ଭାବି ନିଜ ସୁଧା ତୁଲ୍ୟ ।

ଭାଗ୍ୟ ଅନୁସାରେ ରୁଟି ପ୍ରାପ୍ତି ହୁଏ

ଏହା ତ ନିରାଟ ସତ୍ୟ

କୃପଣ ମନୁଷ୍ୟ ପିତାକୁ ଦିଏନା

ସେ କି ଖୋଇବ ଭୃତ୍ୟ ।

ରୋଟି ଦିଏ ଜ୍ଞାନ ରୋଟି ଯୋଗୁଁ ଧ୍ୟାନ

ବୃଦ୍ଧି ହୁଏ ବେଳୁ ବେଳ

ଚରିତ୍ର ବିକାଶେ କିଏ ଧର୍ମ ଦିଗେ

ପୁଣି କିଏ ଚୋର ଖଳ ।

ଅଜ୍ଞାନ କି ବୁଝେ ରୁଟିର ମହତ୍

ନଷ୍ଟ କରେ ରାତି ଦିନ

ହାତ ପତାଇଲେ ଧିକ୍କାରନ୍ତି ଜନେ

ଦୁଆରେ ନ ଯାଆନ୍ତି ଦୀନ ।

ବିବାହ ଭୋଜନେ ଆନନ୍ଦେ ଢାଳନ୍ତି

ବିବିଧ ରକମ ଖାଦ୍ୟ

ରୁଟି ନପାଇଣ ଗରିବ ମରନ୍ତି

ପାନୀୟ ବିଦେଶୀ ମଦ୍ୟ ।

କର ଲେଉଟାଏ ସମୟର ବଳ

ତହିଁରୁ ବୁଝିବ ଫଳ

ଆଜି ଯିଏ ଧାଏଁ ଖଣ୍ଡେ ରୁଟି ପଛେ

କାଲି ସେ ଧନରେ ବଳ ।

ଶୁଦ୍ଧ ଚିତ୍ତ ମନେ ଉତ୍ସର୍ଗୀତ କର

 ରୁଟି ଖଣ୍ଡେ ନିରାଶ୍ରୟେ

କେତେ ଆଶୀର୍ବାଦ ବରଷି ପଡ଼ିବ

ପର ଯେ ଆପଣା ହୁଏ ।