ମୋ ପାଇଁ ଶୀତ

ତୁମ ପାଇଁ ସିନା ଶୀତ ଆସେ ନେଇ

ନୂଆ ଚାଦରର ବାସ୍ନା,

ମୋ ପାଇଁ ଆଣେ ଖୋଲା ଆକାଶରେ

ଭିଜା ଭିଜା ଜହ୍ନ ଜୋତ୍ସା ।

ତୁମ ପାଇଁ ଆଣେ ଉଷ୍ଣ ଆବରଣ

ଅଳସୁଆ ମିଠା ନିଦ ,

ମୋ ଦେହେ ପଶି ସେ କଲିଜା ଥରା ଏ

କରି ହାହା କାର ଶବ୍ଦ ।

ତୁମ ପାଇଁ ଆଣେ ନରମ ଖଟରେ

ଗରମ କମଳ ମଜା,

ମୋତେ ଦିଏ ଖାଲି ଝିଣ୍ଡା ଅଖା ତଳେ

ଥରିବାର ହୀନ ସଜା ।

ତୁମ ପାଇଁ ସିନା ଶୀତ ଆସେ ନେଇ

ଗରମ ଗରମ ଚାହା,

ବାସି ରୁଟି ପାଇଁ ରହିଥାଏ ଚାହିଁ

ବାରେ ଦଇବ ବାହା ।

ଦେହକୁ ବିଦାରି ଆତ୍ମାକୁ ଓଟାରି

କାଇଁ ଆସେ ଏଇ ଶୀତ ,

ଶତ୍ରୁ ସାଜି ସତେ ହରାଏ ଜଗତେ

କରେ ଭାରି ଭୟ ଭୀତ ।