"ଯାଦୁ"
"ଯାଦୁ"
କିଏ ଏଠି ସ୍ବାମୀ
କିଏ ଏଠି ସ୍ତ୍ରୀ
କିଏ ଏଠି ପ୍ରେମିକା
କିଏ ଏଠି ବାନ୍ଧବୀ
କିଏ ପୁଣି ବନ୍ଧୁ
ସବୁ ଏଠି ମାୟା
ସବୁ ଲାଗେ ଯାଦୁ ।
କୁହୁକ ମନ୍ତ୍ର ପରି
ଲାଗେ ସବୁ ବିରହ ମିଳନ
ଆଜି ଯେ ନିଜର କାଲି ସେ
ସାତ ପର ଜାଣ
କିଏ ସତ କିଏ ମିଛ
ମିଛ ସମ୍ପର୍କ ଭିତରେ
ଆମେ ମିଛେ ଖାଲି କାନ୍ଦୁ
ଏ ସବୁ ଦୁନିଆଁ ର ରୀତି ନୀତି
ଲୋକ ଦେଖାଣିଆ ଆମ ମତି ଗତି
କେ ଶତ୍ରୁ କିଏ ବନ୍ଧୁ
ଏ ସବୁ ସମୟର ଯାଦୁ ।
ନାହିଁ ଏଠି ସମ୍ପର୍କର ମାନେ କିଛି
ପ୍ରତି ମୁହୂର୍ତ୍ତରେ ଆମେ ମରି ମରି
ରହିଅଛେ କ୍ଷଣେ ନିମିଷେ ଅବା ବଞ୍ଚି
କିଏ ଏଠି କାହାର
କିଏ ଏଠି କାହା ସଖା ସହୋଦର
ମାୟାର ସଂସାର ଏ ଯେ
ମାୟା ମୋହରେ ପଡି ଆମେ
ହୁଏ ନାରଖାର
ପ୍ରେମ ପ୍ରଣୟ ପ୍ରେମିକ ପ୍ରେମିକା
ସବୁ ଏଠି ପାଣିର ଗାର
ସ୍ଵାର୍ଥ ପାଇଁ ସବୁ ଅଭିନୟ
ସଭିଏଁ ଆମେ ସ୍ଵାର୍ଥପର ।
ପିତା ମାତା ଭ୍ରାତା ଭଗ୍ନୀ
ବନ୍ଧୁ ସହୋଦର
କେ ନୁହଁନ୍ତି ଏଠି ଯେ ନିଜର
ସୁଖର ସାଥୀ ସଭିଏଁ
ଦୁଃଖେ ହୋଇଯାନ୍ତି ଦୂର
ସୁଖ ଦୁଃଖ ଦୁନିଆଁ ର ରୀତି
ଏକଥା ସ୍ଵାର୍ଥୀ ନ ବୁଝନ୍ତି
ପରୋପକାରେ ମିଳିଥାଏ ଶାନ୍ତି
ପର ନିନ୍ଦା ପର ଚର୍ଚ୍ଚା ରେ
ସ୍ଵାର୍ଥୀ କଷ୍ଟ ଅରଜନ୍ତି
ଯନ୍ତ୍ରଣା ଜର୍ଜରିତ ଆମ ଏ ଜୀବନ
ଏବେ ଜୀବିତ ଏବେ ମୃତ
ସେ ଜନ୍ମ ମୃତ୍ୟୁ ର ଶେଷ ଠିକଣା
ସଭିଙ୍କ ଜୀବନେ ଆମ ଏ ଶ୍ମଶାନ
ନିଜେ ଜଳି ଜଳି ବଞ୍ଚିବା ରେ
କେତେ ଆମେ କାନ୍ଦୁ
ହସ କାନ୍ଦର ଏ ଦୁନିଆଁ
ସୁଖ ଦୁଃଖ ଉତ୍ଥାନ ପତନ
ଏ ସବୁ ଜୀବନ ର ପ୍ରତି
ମୁହୂର୍ତ୍ତେ ଏକ ଏକ ଯାଦୁ ।