ବୃଦ୍ଧାଶ୍ରମେ

କିଛି ସମୟ ମୁଁ ରହିଲି ସେଠାରେ

ମନ ମୋର ପୁରିଗଲା

ସେମାନଙ୍କ ସହ ଗୋଟେ ଦିନ ମୋର

ଦେଖୁ ଦେଖୁ କଟିଗଲା

ସମସ୍ତଙ୍କ ସହ ହୋଇଗଲା ଗୋଟେ

ନୂଆ ସମ୍ପର୍କ ର ଧାରା

ଅଳ୍ପ ସମୟରେ ସମସ୍ତେ ଲାଗିଲେ

ଅତି ଆପଣାର ପରା

ତାଙ୍କ ସହ କିଛି ସମୟ ବିତେଇ

ଏମିତି ଯେ ଲାଗୁଥିଲା

ଦୁନିଆରେ ବୋଧେ ସବୁ ଖୁସି ମତେ

ହାତ ପାଖେ ମିଳିଗଲା

ଲୋଡ଼ା ନାହିଁ ତାଙ୍କ ଧନ କି ସମ୍ପତ୍ତି

ଲୋଡ଼ା କିଛି ସ୍ନେହ ପ୍ରେମ

ଗୋଟେ ଗୁଣ ପ୍ରେମ ଦେଲେ ତୁମେ ତାଙ୍କୁ

ଅଜାଡ଼ି ଦେବେ ସେ ପ୍ରେମ

ନାତି ବୋଲି କିଏ ଗେଲ କରିଦେଲା

କିଏ ମୋତେ ଖୋଇଦେଲା

କିଏ ପୁଣି ମୁଣ୍ଡେ ତେଲ ଲଗେଇକି

ପୁଅ ବୋଲି ଡାକୁଥିଲା

କେମିତି ଅଯୋଗ୍ୟ ପୁଅ ସେଇମାନେ

ହତାଦର କରୁଛନ୍ତି

ବାପା ମାଆଙ୍କୁ ତା ହତାଦର କରି

ଘରୁ କାଢି ଦେଉଛନ୍ତି

ଚାଲି ସିନା ସେଠୁ ଆସିଲି ସେଦିନ

ମନ ମୋର ଝୁରୁଥିଲା

ସେମାନଙ୍କ ସହ ରହିବାକୁ କାହିଁ

ମନ ମୋର କହୁଥିଲା