ବିଦାୟ ସ୍ୱାଗତ ସଂଗୀତ

କେତେ ଘଟଣା ଓ ଦୁର୍ଘଟଣା ନେଇ

ଯାଉଛି ପୁରୁଣା ବର୍ଷ

ତାହାକୁ ବିଦାୟ ଦେବା ସର୍ବେ ଆସ

ମନେ ହୋଇଣ ହରସ l

ମଣିପୁର ଭୁକମ୍ପ କୁ ଦେଖିଥିଲେ

ଛାତି ଉଠିଥିବ ଥରି

ବାହାରେଗା ଟ୍ରେନ ଦୁର୍ଘଟଣା କଥା

କେବେ ନହେବ ପାସୋରି l

ଝଡ଼ ଓ ତୋଫାନ ବାତ୍ୟା ତ କେବେବି

ଛାଡ଼ୁନି ଆମର ଦେଶ

ରୁଷ ଯୁକ୍ରେନ ଯୁଦ୍ଧ୍ୟ ବିଭିଷିକା

ବିଶ୍ୱକୁ କ୍ଷତି କାରକ l

ହଟି ଯାଇଥିବା କରୋନା ରୋଗଟି

ପୁଣି ମୁଣ୍ଡ ଟେକି ଉଠେ

ଟର୍ନେଲ ରୁ ଉଦ୍ଧରିଲା ଶିଶୁ କନ୍ୟା

ଜଗତ ଜନଙ୍କ ହିତେ l

ରାମ ମନ୍ଦିର ଟି ତିଆରି ସରିଲା

ବହୁ ଦିନର ଆକାଂକ୍ଷା

ଚନ୍ଦ୍ର ମଣ୍ଡଳ କୁ ଯାନ ଗଡିଗଲା

ଭାରତ ର ଗର୍ବ ଏକା l

ପାକିସ୍ତାନ କୁ ତ ହରାଇ ଭାରତ

କ୍ରିକେଟ ଖେଳ ରେ ଜିତି

ପଦକ ଆଣିଲା ଏହି କଥା ଜାଣି

ଗର୍ବେ ଫୁଲି ଉଠେ ଛାତି l

ସିନେମା ଜଗତେ ଭାରତୀୟ ମୁଭି

ପ୍ରଥମ ସ୍ଥାନରେ ଗଣା

ଜଗନ୍ନାଥ ଯେଉଁ ଦେଶର ନାୟକ

ସେକି କେବେ ହେବ ଉଣା l

ତେଇସି ଯାଇଣ ଚବିଶ ପ୍ରବେଶ

ତାକୁ ସ୍ୱାଗତ କରିବା

ମଙ୍ଗଳମୟ ତ ମଙ୍ଗଳ କରିଲେ

ଚବିଶ ପାରି ହୋଇବା l

ଅଭିନନ୍ଦନ ଦୁଇ ହଜାର ଚବିଶ

ସୁସମ୍ଭାରେ ତୁମେ ଆସ

ହସାଇ ରସାଇ ମଜାଇ ସଭିଙ୍କୁ

ଆନନ୍ଦ ରେ କର ବାସ l

ଆସିଛି ତ ଯିଏ ଜିବଭାରୀ ସିଏ

ଏତ ସଂସାର ନିୟମ

ପରିବର୍ତନ ତ ସବୁଥିରେ ଅଛି

ଏଥିରେ ନଥାଏ ଭିନ୍ନ l

କେତେ ସ୍ୱାଗତ ରେ ଆସିଥିଲା ଥରେ

ଏହି ତେଇସି ମସିହା

ଆଜି ଲୀନ ହୁଏ କାଳ ର କରାଳେ

ଏତ ସଂସାରର ମାୟା l

ଅଭିନନ୍ଦନ ହେ ନୂତନ ବରଷ

ସ୍ୱାଗତ କରେ ତୁମକୁ

ବାର ମାସ ସୁରୁଖୁରୁରେ ବିତାଇ

ଯାଅ ଗନ୍ତବ୍ୟ ସ୍ଥଳକୁ l

ସୁଖ ଶାନ୍ତି ଆଉ ସମୃଦ୍ଧି କୁ ଆଣି

ଆନନ୍ଦରେ କର ବିଜେ

ଭାଇ ଚାରା ସୃଷ୍ଟି କରି ଦିଅ ବିଶ୍ୱେ

ଜଗନ୍ନାଥ ଙ୍କ ଆସିଷେ l

ଜଗତର ନାଥ ଆହେ ଜଗନ୍ନାଥ

ଚବିଶକୁ ହୁଅ ସାହା

ଅତି ସୁରୁଖୁରୁ ହୋଇ ବିତିଯାଉ

ତୋ ସୃଷ୍ଟିକୁ କର ଦୟା ।