Library
Profile
ହୋଇଲାକି ସତ୍ଯ ଯୁଗ
ହୋଇଲାକି ସତ୍ଯ ଯୁଗ
ସତ୍ଯ ଯୁଗ ପ୍ରଭୁ ହୋଇଲାକି ସତ୍ଯ
ନାହିଁ ଏଠି ହିଂସାବାଦ
ସର୍ବ ଘଟେ ହରି ନାନା ରୂପ ଧରି
ହୋଇଅଛ ସର୍ବ ବିଦ୍ୟ l
ଧନୀ ଗରିବର ଭେଦାଭେଦ ନାହିଁ
ମୁନିବ ମୂଲିଆ ଏକ
ଗାଡି ଘୋଡା ନାହିଁ ପଥେ ଯାନ ଶୂନ୍ଯ
ଏକାକୀ ଆଜି ପଥିକ l
ପ୍ରଜାର ସୁରକ୍ଷା ରାଜା ବୁଝୁଅଛି
ରାଜାକୁ ପ୍ରଶଂସେ ପ୍ରଜା
ପ୍ରଜାର ଜୀବନ ଅଟେ ମୂଲ୍ଯବାନ
ମଣୁ ଅଛି ଆଜି ରାଜା l
ପଶୁ ପକ୍ଷୀ ସେବା କରୁଛି ମାନବ
କରଇ ମାଧବ ସେବା
ଲାଞ୍ଚ ମିଛ କଥା ନ ଭାବେ ପରତେ
&
nbsp; ଆଉ କି ଉପମା ଦେବା l
ଗରିବ କୁଡିଆ ଘରେ ହୋଇ ଠିଆ
ରଜା ବୁଝଇ ଖବର
ପ୍ରଜାର ମଙ୍ଗଳ ବିଧାନ କରୁଛି
ପୁଛି ଭଲମନ୍ଦ ତା'ର l
ପରିବାର ସହ ବିତାଉଛି ଦିନ
ପୂଜାର୍ଚ୍ଚନା ଜପତପେ
ଗୀତା ଭାଗବତ ଧରମ ପୁରାଣ
ହରେକୃଷ୍ଣ ନାମ ଜପେ l
ବିଶ୍ବର କଲ୍ୟାଣ ହିତେରେ ଜୀବନ
ତ୍ଯାଗର ମହତ୍ ବୂଝେ
ଦାନ ଧର୍ମ ତପ ସମର୍ପଣ କରେ
ପ୍ରଭୁ ପାଦେ ନିତି ଭଜେ l
ସବୁ ତମ ଲୀଳା ସବୁ ତମ ଖେଳା
ମଣିଷ ମାତର ଅଟେ
କେମିତି ବୁଝିବ ଏ ମୂଢ ପରତେ
ବିଦ୍ୟମାନ ସର୍ବଘଟେ l
