STORYMIRROR

Sahadev Behera

Romance

3  

Sahadev Behera

Romance

ଜହ୍ନ

ଜହ୍ନ

1 min
211



ଜହ୍ନ ରାଇଜରୁ ଜାଗା ଖଣ୍ଡେ ଦେ

ରହିବି ମୁଁ ଘର କରି

ପୃଥିବୀଟା ଏବେ ଦୂଷିତ ହେଲାଣି

ସର୍ବେ ହେଲେଣି ଭଗାରୀ ।। 1


ରାଗ ହିଂସା ବାଦ ଇର୍ଷା ଦ୍ୱେଷ ଖେଦ

ଦୁଃଖରେ ଏ ମହୀ ଭରା

ଗର୍ବ ଅହଙ୍କାର ମଣିଷ ଆଦରେ

ଭୁଲି ନିଜ ପରମ୍ପରା ।। 2


ପିତା ପୁତ୍ର ସ୍ନେହ ମାଆର ମମତା

ସବୁ ଏଠି ତୁଚ୍ଛ ଲାଗେ

ବାହୁ ବଳେ ନର ନିଜେ ବଳୀୟାନ

ଦେଖାଏ ନିଜକୁ ଆଗେ ।। 3


ଛନ୍ଦ କପଟରେ ମଣିଷ ଛନ୍ଦିଛି

ବାହାରି ପାରୁନି ଆଉ

ତୋ ରାଇଜ ହସେ ଏସବୁର ଉର୍ଦ୍ଧ୍ୱେ

ଦେ ମୋତେ ଆଶ୍ରା ତୁହି ।। 4


ଏକାନ୍ତେ ରହିବି ତୋ କଥା ମାନିବି

ନ ଥିବ ମନେ ମୋ ଦୁଃଖ

ତୋ ରାଇଜେ ପ୍ରଜା ପରି ମୁଁ ଚଳିବି

ଜୀବନ ହୋଇବ ସୁଖ ।। 5



Rate this content
Log in

Similar oriya poem from Romance