ଗାଲରେ ତୋ ଅବିର ରଙ୍ଗ
ଗାଲରେ ତୋ ଅବିର ରଙ୍ଗ
1 min
229
ଗାଲେ ତୋ ଅବିର ରଙ୍ଗ ବୋଳିବାକୁ
କେବେଠୁ ଚାହିଁ ବସିଛି
ହୋଲିର ପସରା ଧରି ଏକା ଏକା
ତମ ବାଟକୁ ଚାହିଁଛି ।
କାଲି ପୁଣି ଲାଗେ ହଜିଲା ଅତୀତ
ତମ ସାଥେ ଖେଳୁଥିଲି
ଯେବେ ପର କରି ଗଲ ହାତ ଛାଡ଼ି
ତମ କଥା ଭୂଲିଥିଲି ।।
ଆଜି ଯେବେ ରଙ୍ଗ ହୋଲି ଖେଳ ଆସେ
ତମେ ମନ ପଡ ଭାରି
ବୋଳିବାକୁ ଥରେ ତୋ କଅଁଳ ଗାଲେ
ହୋଲି ରଙ୍ଗ ପିଚକାରୀ ।
ଭାରି ଏକା ଏକା ଲାଗେ ଆଜି ମୋତେ
ଫଗୁଣର ଫିକା ରଙ୍ଗ
ତୋ ବିନା ଜୀବନ ଲାଗେ ମୂଲ୍ଯହୀନ
ଜିଇଁଛି ହୋଇ ନିଃସଙ୍ଗ ।
ବାହୁନେ ଏ ମନ ପ୍ରତିଟି ସ୍ପନ୍ଦନେ
ତମ କଥା ହୁଏ ଭାବି
ସରାଗରେ ରଙ୍ଗ ରଖି ଥିଲି ଆଣି
ତମ ଗାଲରେ ବୋଳିବି ।