Library
Profile
ସୃଷ୍ଟିର ଆରମ୍ଭ
ସୃଷ୍ଟିର ଆରମ୍ଭ
ହିନ୍ଦୁ ନବବର୍ଷ ପ୍ରଥମ ବୈଶାଖୀ
ପବିତ୍ର ପଣା ସଂକ୍ରାନ୍ତି
ବିକ୍ରମ ସମ୍ବତ ଯୁଗାବ୍ଦ ଆରମ୍ଭ
ଶୁକ୍ଳ ପ୍ରତିପଦା ତିଥି ।
ଧରମ ଯୁଧୀଷ୍ଠୀ ରାଜ୍ୟ ଅଭିଷେକ
ହନୁମାନଙ୍କ ଜୟନ୍ତୀ
ଅୟରାମ୍ଭ ହୁଏ ନବଦିନ ପୂଜା
ବାସନ୍ତୀ ଦୁର୍ଗାଙ୍କ ସ୍ତୁତି ।
ନାଚନ୍ତି ପାଟୁଆ ଛଉ ଦଣ୍ଡ ଯାତ୍ରା
ପ୍ରସିଦ୍ଧ ଝାମୁ ପରବ
ମାତାଙ୍କ ନାମକୁ ଭଜି ରାତ୍ରିଦିନ
ଦେଖାନ୍ତି ନାନା କର୍ତ୍ତବ୍ୟ ।
ବାଜେ ଘଣ୍ଟଘଣ୍ଟା ଜଳେ ରଡ଼ ନିଆଁ
ଚାଲନ୍ତି ପାଦେ ଭକତ
ରହନ୍ତି ନିଷ୍ଠାରେ ଗାଁ ମୁଣ୍ଡ ତୋଟାରେ
ପ୍ରସାଦ କରି ସେବନ ।
ତୁଳସୀ ଚଉଁରା ଉପରେ ବାନ୍ଧନ୍ତି
ଜଳଘଡି ଛାମୁଣ୍ଡିଆ
ବିନ
୍ଦୁ ବିନ୍ଦୁ ହୋଇ ହୁଏ ଜଳପାତ
ଶୀତଳା ହୁଅନ୍ତି ମାଆ ।
ତୃଷାର୍ତ୍ତ ହୁଅନ୍ତି ବୁଲା ପଶୁପକ୍ଷୀ
ଧର୍ମ ପୁଣ୍ୟ ଜଳଦାନ
ବୃକ୍ଷ ଛାୟା ତଳେ ଜଳପୂର୍ଣ୍ଣ ଭାଣ୍ଡ
କରନ୍ତି ଜନେ ସ୍ଥାପନ ।
ଶିବଲିଙ୍ଗ ପରେ ହୁଏ ଜଳାର୍ପଣ
ଜଳଛାୟା ପଣା ଲାଗି
ଦିଅଁଙ୍କ ଦର୍ଶନ ପୂଜାପାଠ ଶୁଭ
ଲାଗେ ଭକ୍ତଙ୍କର ଧାଡ଼ି ।
ଗହଳ ଚହଳ ପୁରୀ ବଡ଼ଦାଣ୍ଡ
ସ୍ୱର୍ଗଦ୍ୱାର ବେଳାଭୂମି
ଜଗତର ନାଥ କାଳିଆ ସାଆନ୍ତ
କାଳକୁ ପାରନ୍ତି ଖଣ୍ଡି ।
ପ୍ରଭୁ ଶୁଭ ନାମେ ହେଉ ସର୍ବ ଶୁଭ
ନାଶ ଯାଉ ରୋଗ ଦୁଃଖ
ଜୟ ଜଗନ୍ନାଥ ଜୟ ଜଗନ୍ନାଥ
ରକ୍ଷା କର ଜଗନ୍ନାଥ ।
