ଲାଇବ୍ରେରୀ
ପ୍ରୋଫାଇଲ୍
ଭିନ୍ନ ଏକ କୁରୁସଭା
ଭିନ୍ନ ଏକ କୁରୁସଭା
1 min
260
ନାହିଁ ଏଠି ଆଜି ଦୃଷ୍ଟ ଦୁର୍ଯ୍ଯଧନ
ନାହିଁ ସେଇ ଦୁଃଶାସନ
ନାହିଁ ଆଜି ସେଇ ଅନ୍ଧ ଧୁତରାଷ୍ଟ୍ର
ମୋହ ଗ୍ରସ୍ତ ସିଂହାସନ
ନାହିଁ ଆଜି ସେଇ ଶଙ୍କୁନି ମାମୁଟି
କପଟର ପଶା ଖେଳ
ତଥାପି ଏଇଠି ଧର୍ମର ନାବରେ
ଅଧର୍ମ ସାଜିଛି କାଳ
ଛଳନା ହାଟରେ ହୁଏ କାର ବାର
ଆଜି ଏଠି ଦେଶ ସେବା
କପଟର ଏଇ ପଶା ପାଲି ମଧ୍ଯେ
ଭିନ୍ନ ଏକ କୁରୁସଭା
ହୁଏ ଏଠି ଆଜି ଦ୍ରୌପଦି ହରଣ
ମଉନ ଯେ ପ୍ରଶାସନ
ଛାତିକୁ ଫୁଲାଇ ହସୁଅଛି ଆଜି
କଳିଯୁଗ ଦୁଃଶାସନ
ନାହିଁ ଆଜି ସେଇ ରଥର ସାରଥି
ନାହିଁ ପଞ୍ଚଜନ୍ୟ ଶଦ୍ଦ
ନାହିଁ କେହି ରଥି ସେଇ ମହା ଶକ୍ତି
କରିବାକୁ ଲକ୍ଷ୍ୟ ଭେଦ
ତଥାପି ଚାଲିଛି ଆଜିବି ଏଇଠି
ଏବକା ମହାଭାରତ
ଧର୍ମ ରକ୍ଷା ନୁହେଁ ଗାଦି ରକ୍ଷା ପାଇଁ
ଶାସକଙ୍କ ମନୋରଥ ।
