Happy break Up Day

ଭାଙ୍ଗି ଦେଇଗଲ   ପ୍ରେମ ବାଲିଘର

    ଫେରି ଚାହିଁଲନି ଥରେ

ତୁମକୁ ଏଇଠି   ଏକାକି ଚାହିଁଛି

    ନିତି ବଞ୍ଚେ ନିତି ମରେ

ମାୟା ମରିଚିକା  ପରି ଯେ ଲାଗୁଛି

    ଦେଖିଲେ ନିଜର ଛାଇ

ଅନ୍ତର ବେଦନା   ଅସହ୍ଯ ଯନ୍ତ୍ରଣା

    ପାରୁ ନାହିଁ ଜମା ସହି

ଦୁନିଆ ଆଗରେ  ହସୁ ଅଛି ସିନା

  ଅନ୍ତରେ ଦୁଃଖର ଛାଇ

ମନ ଏକା ଜାଣେ  ହୃଦୟ ବେଦନା

    କାହାକୁ ପାରୁନି କହି

ଯିବାର ଯଦିଓ ଥିଲା ଜୀବନରୁ

    ଆସୁଥିଲ ପୁଣି କାହିଁ

ଅଳପ ଦିନର    ଗଳପ ଲେଖିଲ

   ବେଦରଦୀ ମନ ନେଇ

ଏତେ ସବୁ ପରେ ତଥାପି ଏ'ହୃଦ

   ଶୁଭ ମନାସୁଛି ତୁମ

ଯେଉଁଠି ବି ରୁହ ଭଲରେ ଯେ ରୁହ

   ରଖି ସୁହାଗିନୀ ଗୁଣ