Library
Profile
ଗୋମାତା
ଗୋମାତା
ଗୋମାତା ମହିମା ଗୋ ଉପାସନା
ସୁଖ ବୈଭବ ଦାୟକ
ଗୋମୁଖରେ ବେଦ ନେତ୍ରେ ଚନ୍ଦ୍ର ସୂର୍ଯ୍ୟ
ଗୋମୂତ୍ରେ ଗଙ୍ଗା ସ୍ରବିତ ।
ହମ୍ମା ରବେ ତାର ବ୍ରହ୍ମା ପ୍ରଜାପତି
ପହ୍ନାରେ ଚାରି ସମୁଦ୍ର
ଗୋଗୋଷ୍ଠ ଗୋଧୂଳି ମସ୍ତକେ ଧାରଣ
ପବିତ୍ର ତୀର୍ଥ ସାନ୍ନିଧ୍ୟ ।
ଗୋମୟ ଗୋବର ଅଟେ ଶୂଚିମନ୍ତ
ମାତା ଲକ୍ଷ୍ମୀଙ୍କ ସ୍ୱରୂପା
ଗୋମାତା ଦନ୍ତରେ ଗରୁଡ଼ ନିବାସ
ସରସ୍ଵତୀ ମାତା ଜିହ୍ୱା ।
ଲୋମମୂଳେ ତାର ଯୋଗୀ ଋଷି ମୁନି
କର୍ଣେ ଅଶ୍ୱିନୀ କୁମାର
ଶିଙ୍ଗ ଅଗ୍ରଭାଗେ ଦେବରାଜ ଇନ୍ଦ୍ର
ମୂଳେ କେଶବ ଶଙ୍କର ।
ପ୍ରକୃତି ସ୍ୱରୂପା ପୃଥିବୀ ଗୋମାତା
ଜୀବନୀ ଶକ୍ତି ଆଧାର
ପରମ ପବିତ୍ର ଦିବ୍ୟ ପଞ୍ଚଗବ୍ୟ
ପୂଜା ଆରାଧନା ମୂଳ ।
ଗୋମାତା ସଂସର୍ଗ ଜୀବ ଉର୍ବରକ
ବୃଦ୍ଧି କରେ ଉତ୍ପାଦନ
ଗୋମାତା କାରଣୁ ହୁଏ ଉପକାର
ପୃଥିବୀ ସ୍ୱସ୍ତି ସ୍ୱଚ୍ଛନ୍ଦ ।
ଗୋକଲ୍ୟାଣେ ସୁଖ ସମୃଦ୍ଧି ନିହିତ
ଗୋସମ୍ପଦେ ଧନଧାନ୍ୟ
ଗୋମାତାଙ୍କୁ ପୂଜା ଗୋ ସମ୍ବର୍ଦ୍ଧନା
ମାନବର ଶ୍ରେଷ୍ଠ ଧର୍ମ ।
