ലൈബ്രറി
പ്രൊഫൈൽ
# ବିଚ୍ଛେଦ-୨ #
# ବିଚ୍ଛେଦ-୨ #
1 min
145
ମିଳନ ବିଚ୍ଛେଦ ଲୁଚକାଳି ଖେଳ
ସଭିଙ୍କ ଜୀବନେ ଥାଏ
ଦୁଃଖ ପରେ ସୁଖ ନିୟତି ନିୟମ
ଭୋଗିବାକୁ ହୋଇଥାଏ ।।
ମିଳନେ ଭରଇ ଅମୃତର ସୁଧା
ମନ ପ୍ରାଣ ଖୁସି ହୁଏ
ବିଚ୍ଛେଦ ଭରଇ ଚତୁର୍ଦ୍ଦିଗେ ଛାଇ
ଯାତନାର ସିନ୍ଧୁ ବହେ ।।
ବିଚ୍ଛେଦ ଆଣଇ ହୃଦୟେ ଯନ୍ତ୍ରଣା
ଅନ୍ତରରୁ ଦୁଃଖ ଝରେ
ଜୀବନର ସୁଖ ପରଦେଶୀ ହୁଏ
କନ୍ଦେଇ କନ୍ଦେଇ ମାରେ ।।
ବିଚ୍ଛେଦର ସ୍ମୃତି ତିକ୍ତତା ଦିଅଇ
ଆତ୍ମାରେ ଯାତନା ଭରେ
ହୃଦୟର ବ୍ୟଥା ଅଶ୍ରୁ ହୋଇ ବହେ
କଲିଜା କଷ୍ଟରେ ଥରେ ।।
ଆପେକ୍ଷିକ ଶବ୍ଦ ମିଳନ ବିଚ୍ଛେଦ
ଯୋଡାଯୋଡି ହୋଇ ଥାଏ
ଗୋଟିଏ ନ ଥିଲେ ଅନ୍ୟଟି ନିଷ୍ଫଳ
ପ୍ରାଣ ଜଳି ପୋଡି ଯାଏ ।।
