# ସ୍ମୃତି-୭ #

ମନରେ ଅନେକ ସ୍ୱପ୍ନ,

ସ୍ୱପ୍ନରେ ଅନେକ ରଙ୍ଗ,

ରଙ୍ଗରେ ଅନେକ ସ୍ମୃତି,

ସ୍ମୃତି ଖାଲି ସମ୍ଭାବନାମୟ !

ଫୁଲରେ ଅନେକ ବାସ୍ନା,

ବାସ୍ନାରେ ଅନେକ ମୋହ,

ମୋହରେ ଅନେକ ଭ୍ରମର,

ଭ୍ରମର ଖାଲି ମରୀଚିକାମୟ !

ଜୀବନ ଜୀଇଁବା ଭଲ,

ସୁଖ ଦୁଃଖର ମୂଲ,

ସବୁଖାଲି କର୍ମମୟ,

ତୁମେ ତ ଦୂର ଦିଗବଳୟ !

ଲେଉଟାଇଲି ପୃଷ୍ଠା ପରେ ପୃଷ୍ଠା,

ଖୋଜି ଚାଲିଲି ପୁରୁଣା ସ୍ମୃତିକୁ,

ସ୍ମୃତିରୁ ପାଇଲିନି କିଛି ଅନ୍ତ,

ତୁମେ ତ ସର୍ବଦା ଦୂର ଦିଗନ୍ତ !

ସ୍ମୃତି ମରୀଚିକା ପରି,

ରାତିର ଆସ ସକାଳୁ ଯାଏ ଅପସରି,

ଫେରି ଚାଲିଲି ଅତୀତକୁ,

ଭୁଲି ପାରିବିନି କେବେ ତୁମକୁ !

ପ୍ରେମ ତ ତୁମ ରାଗମିଶା,

କେବେ ଦେଖାଏ ସପନ କେବେ ହତାସା,

ଚାଲିଯାଅ ଦୂରେ ତୁମେ ମୋତେ କରି ଏକା,

ଦୂର ଦିଗବଳୟ ଆଜି ଦିଶେ ଝାପସା ଝାପସା !

ସ୍ମୃତି ତୁମ ଅସରନ୍ତି,

କେବେ ଆସି ମୋତେ ପଚାରନ୍ତି,

ଠକି ଯିବୁ ଜୀବନେ ମିଛ ମାୟା ସଂସାରେ,

ଏଠି ପ୍ରେମ ସତ୍ୟ, ସ୍ୱପ୍ନ, ସତ୍ୟ,

ସ୍ମୃତି ସତ୍ୟ କିନ୍ତୁ ଅପେକ୍ଷାରେ !!