ପ୍ରେମର ପୁଲକ : ପ୍ରେମ
ପ୍ରେମର ପୁଲକ : ପ୍ରେମ
ପ୍ରେମ ,
ଏକ ଅସରନ୍ତି ବିଶ୍ୱାସ ,
କେଉଁଠି ବନ୍ଧୁତାରୁ ଆରମ୍ଭ ପ୍ରେମରେ ଶେଷ ,
ପ୍ରେମରୁ ଆରମ୍ଭ ପୁଣି ବନ୍ଧୁତାରେ ଶେଷ ।
କେଉଁଠି ବିଶ୍ୱାସରେ ବିଷ ,
ଅବା ସିନ୍ଦୁରରେ ଶେଷ ,
ସିନ୍ଦୁରରୁ ଆରମ୍ଭ ପୁଣି ମଶାଣିରେ ଶେଷ ।
ଖୋଜିବୁଲେ ଜହ୍ନରେ ପ୍ରିୟାର ଠିକଣା
ବିନା ବସନ୍ତରେ ବହିଯାଏ ମଳୟର ମୂର୍ଚ୍ଛନା ।
ଶେଫାଳି ପରି ସନ୍ଧ୍ୟାରେ ଫୁଟି ସକାଳେ ମଉଳି ଯାଏ ।
ଆଦ୍ୟ ଶରତେ ନଇଧାରେ ହସୁଥାଏ ।
ପ୍ରେମ କାହାପାଇଁ ଆଣିଥାଏ ମଧୁରଗୀତି ,
କିଏ ଖୋଜିଥାଏ ରାତ୍ରିର ନିସ୍ତବ୍ଧତାରେ କେବଳ ଦେହର ତାତି ।
ଜାୟାର ପ୍ରୀତି-ପ୍ରଣୟ ସୋହାଗର ମାପକାଠି ..
ମାଆର ପଣତରେ ମମତାର ଡୋରି ଚିରଦିନ ପାଇଁ ବନ୍ଧା ବିଶ୍ୱାସର ମୁଠି ।
ପ୍ରେମ ପାଇଁ ସବୁ ସମ୍ପର୍କ ଆପଣା ,
ବନ୍ଦି ହୋଇଯାଏ ସଂଜ୍ଞାବିହୀନ ସମ୍ପର୍କର ରଜ୍ଜୁରେ
ପୁଣି କେଉଁଠି ମତୁଆଲା କେବଳ ଛଳନାର ମଧୁ ଫାଶରେ ।
ସୃଷ୍ଟିର ଆରମ୍ଭରେ ପ୍ରେମର ଆରମ୍ଭ ,
ନାହିଁ ଯାର ଇତି ,
ଏକ ଅନାବିଳ, ଅମଳିନ ଦୀର୍ଘ ସମ୍ପର୍କର ରେଶମୀ ଡୋର !!